म. टा. वृत्तसेवा, सिन्नर फाटा
हाताची नस कापून घेत स्वतःवर रॉकेल टाकून पेटवून घेत एका व्यक्तीने आत्महत्या केल्याची खळबळजनक घटना जेलरोडच्या मॉडेल कॉलनीत घडली आहे. सुभाष रामराव डोहिफोडे (५८, रा. आविष्कार अपार्टमेंट, मॉडेल कॉलनी) असे आत्महत्या करणाऱ्या व्यक्तीचे नाव आहे. अंगावर रॉकेल ओतून पेटवून घेतल्यानंतर मॉडेल कॉलनीतील विघ्नहर्ता गणेश मंदिराला प्रदक्षिणा घालण्याच्या प्रयत्नांत असतांना खाली कोसळून त्याचा मृत्यू झाला.
याप्रकरणी सुभाष डोहिफोडे याचा मुलगा रितेश (१८) याने नाशिकरोड पोलिस ठाण्यात रविवारी सकाळी फिर्याद दिली. नाशिकरोड पोलिसांनी आकस्मिक मृत्युची नोंद केली आहे. रितेशच्या फिर्यादीनुसार, त्याचे वडील सुभाष डोहिफोडे यांनी रविवारी पहाटे घरात हाताच्या नसांसह कमरेखालील भाग कापून घेत स्वतःच्या अंगावर रॉकेल ओतून घेत पेटवून घेतले. त्यानंतर घराबाहेर पडून ते जवळच असलेल्या विघ्नहर्ता गणेश मंदिराजवळ गेले. या मंदिराजवळ खाली कोसळून सुभाष डोहिफोडे यांचा मृत्यू झाला. मृत्यूपुर्वी त्यांनी गणेश मंदिराला प्रदक्षिणा घालण्याचा प्रयत्न केला. प्रारंभी जेलरोडला खुनाची घटना घडल्याची माहिती जेलरोडला वाऱ्यासारखी पसरली. मात्र, पोलिसांमुळे खरा प्रकार लक्षात आल्याने अफवा बंद झाली. मृत्यूपूर्वी सुभाष डोहिफोडे याने मॉडेल कॉलनीतील विघ्नहर्ता गणेश मंदिर गाठले. तेथे त्याने गणेश मंदिराला प्रदक्षिणा घातल्याचे उमटलेल्या रक्ताच्या पावलांवरून दिसून आले. याशिवाय मंदिराच्या पायऱ्यांसह मुख्य दरवाजावरही रक्त उडालेले दिसले.
विक्षिप्तपणातून कृत्य
सुभाष डोहिफोडेला अध्यात्माचे वेड होते. तो अनेकदा घर सोडून बाहेर कुठेतरी राहत असे, अशी माहिती पोलिसांना मिळाली आहे. विक्षिप्तपणातूनच त्याने असे कृत्य केले असल्याचा संशय आहे.
गणेशा वाचव...!
नसा कापलेल्या व अंगावर रॉकेल टाकून पेटवून घेतलेल्या अवस्थेत वेदनांनी विव्हळणाऱ्या सुभाष डोहीफोडे याने गणेश मंदिरात येऊन याचना केली. ‘गणेशा वाचव...’ अशा हाका त्याने घातल्या. मात्र, स्थानिक नागरिकांना या घटनेची कल्पना आली नाही. त्याचे नेहमीचे गणपती मंदिरातील वागणे परिसरातील नागरिकांना माहित असल्याने कुणीही लक्ष दिले नाही. त्याचे कुटुंबीय घटनास्थळी पोहचेपर्यंत सुभाषचा मृत्यू झाला.
हाताची नस कापून घेत स्वतःवर रॉकेल टाकून पेटवून घेत एका व्यक्तीने आत्महत्या केल्याची खळबळजनक घटना जेलरोडच्या मॉडेल कॉलनीत घडली आहे. सुभाष रामराव डोहिफोडे (५८, रा. आविष्कार अपार्टमेंट, मॉडेल कॉलनी) असे आत्महत्या करणाऱ्या व्यक्तीचे नाव आहे. अंगावर रॉकेल ओतून पेटवून घेतल्यानंतर मॉडेल कॉलनीतील विघ्नहर्ता गणेश मंदिराला प्रदक्षिणा घालण्याच्या प्रयत्नांत असतांना खाली कोसळून त्याचा मृत्यू झाला.
याप्रकरणी सुभाष डोहिफोडे याचा मुलगा रितेश (१८) याने नाशिकरोड पोलिस ठाण्यात रविवारी सकाळी फिर्याद दिली. नाशिकरोड पोलिसांनी आकस्मिक मृत्युची नोंद केली आहे. रितेशच्या फिर्यादीनुसार, त्याचे वडील सुभाष डोहिफोडे यांनी रविवारी पहाटे घरात हाताच्या नसांसह कमरेखालील भाग कापून घेत स्वतःच्या अंगावर रॉकेल ओतून घेत पेटवून घेतले. त्यानंतर घराबाहेर पडून ते जवळच असलेल्या विघ्नहर्ता गणेश मंदिराजवळ गेले. या मंदिराजवळ खाली कोसळून सुभाष डोहिफोडे यांचा मृत्यू झाला. मृत्यूपुर्वी त्यांनी गणेश मंदिराला प्रदक्षिणा घालण्याचा प्रयत्न केला. प्रारंभी जेलरोडला खुनाची घटना घडल्याची माहिती जेलरोडला वाऱ्यासारखी पसरली. मात्र, पोलिसांमुळे खरा प्रकार लक्षात आल्याने अफवा बंद झाली. मृत्यूपूर्वी सुभाष डोहिफोडे याने मॉडेल कॉलनीतील विघ्नहर्ता गणेश मंदिर गाठले. तेथे त्याने गणेश मंदिराला प्रदक्षिणा घातल्याचे उमटलेल्या रक्ताच्या पावलांवरून दिसून आले. याशिवाय मंदिराच्या पायऱ्यांसह मुख्य दरवाजावरही रक्त उडालेले दिसले.
विक्षिप्तपणातून कृत्य
सुभाष डोहिफोडेला अध्यात्माचे वेड होते. तो अनेकदा घर सोडून बाहेर कुठेतरी राहत असे, अशी माहिती पोलिसांना मिळाली आहे. विक्षिप्तपणातूनच त्याने असे कृत्य केले असल्याचा संशय आहे.
गणेशा वाचव...!
नसा कापलेल्या व अंगावर रॉकेल टाकून पेटवून घेतलेल्या अवस्थेत वेदनांनी विव्हळणाऱ्या सुभाष डोहीफोडे याने गणेश मंदिरात येऊन याचना केली. ‘गणेशा वाचव...’ अशा हाका त्याने घातल्या. मात्र, स्थानिक नागरिकांना या घटनेची कल्पना आली नाही. त्याचे नेहमीचे गणपती मंदिरातील वागणे परिसरातील नागरिकांना माहित असल्याने कुणीही लक्ष दिले नाही. त्याचे कुटुंबीय घटनास्थळी पोहचेपर्यंत सुभाषचा मृत्यू झाला.