अ‍ॅपशहर

राज्यभरात शेतकऱ्यांचे 'चक्का जाम'

संपूर्ण कर्जमाफी मिळावी आणि शेतमालाला हमी भाव मिळावा म्हणून पुन्हा एकदा शेतकऱ्यांनी आसूड उगारला आहे. स्वातंत्र्य दिनाच्या पूर्वसंध्येलाच सुकाणू समितीने आज राज्यभरात चक्का जाम करत सरकारविरोधात निषेध नोंदविला. यावेळी शेकडो आंदोलकांना पोलिसांनी ताब्यात घेतले.

Maharashtra Times 14 Aug 2017, 3:42 pm
मटा ऑनलाइन वृत्त । नाशिक
महाराष्ट्र टाइम्स.कॉम sukanu committee chakka jam agitation for full debt waiver
राज्यभरात शेतकऱ्यांचे 'चक्का जाम'


संपूर्ण कर्जमाफी मिळावी आणि शेतमालाला हमी भाव मिळावा म्हणून पुन्हा एकदा शेतकऱ्यांनी आसूड उगारला आहे. स्वातंत्र्य दिनाच्या पूर्वसंध्येलाच सुकाणू समितीने आज राज्यभरात चक्का जाम करत सरकारविरोधात निषेध नोंदविला. यावेळी शेकडो आंदोलकांना पोलिसांनी ताब्यात घेतले.

नाशिकच्या पळसे महामार्गावर आंदोलकांनी जोरदार निदर्शने केली. यावेळी पोलिसांचा मोठा बंदोबस्त ठेवण्यात आला होता. तर सटाणा आणि त्र्यंबक रोडवर शेकडो आंदोलकांनी रस्त्यावर उतरून जोरदार घोषणाबाजी करत धरणे धरली. औरंगाबादच्या क्रांतीचौकातही सुकाणू समितीच्या शेकडो आंदोलकांनी रास्ता रोको केला. पोलिसांनी या आंदोलकांना पांगविण्यासाठी सौम्य लाठीमार केला असून अनेक आंदोलकांची धरपकड केल्याचं सुत्रांनी सांगितलं.

बीडच्या धारूरमध्येही शेतकऱ्यांनी रस्त्यावर ठाण मांडून सरकारचा निषेध नोंदविला. परभणी तसेच अहमदनगरच्या राहुरी आणि पुणतांबा येथेही शेतकऱ्यांनी चक्काजाम आंदोलन केले.

वर्ध्यात मुख्यमंत्र्यांचा पुतळा जाळला

प्रहार संघटनेने शेतकऱ्यांच्या संपूर्ण कर्जमाफीसाठी वर्धा-हिंगणघाट मार्गावर रास्ता रोको केला. इंदापूर नजीकच्या सागर चौपाल जवळ मुख्यमंत्री देवेंद्र फडणवीस यांच्या प्रतिकात्मक पुतळ्याचे दहन करण्यात आले. पुतळ्याला दहातोंडी रावणाचे स्वरूप देऊन निषेध नोंदविण्यात आला. सरकारच्या विरोधात घोषणाबाजी करत संपूर्ण कर्जमाफीची मागणी यावेळी करण्यात आली. शेतकऱ्यांनी केलेल्या रास्ता रोकोमुळे वाहतुकीची प्रचंड कोंडी झाली होती. त्यामुळे कामावर जाणाऱ्यांचे प्रचंड हाल झाले. दरम्यान, प्रहार संघटनेच्या काही आंदोलकांना सावंगी पोलिसांनी ताब्यात घेतले आहे

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज