नाशिक:
नाशिकमध्ये शिक्षक मतदार संघासाठी सुरू असलेल्या मतदानावेळी शिवसेना आणि राष्ट्रवादी उमेदवारांच्या समर्थकांदरम्यान आज जोरदार हाणामारी झाली. यावेळी पोलिसांनी हस्तक्षेप केल्याने मोठा अनर्थ टळला असला तरी नाशिकमध्ये तणावाची परिस्थिती निर्माण झाली आहे.
नाशिक शिक्षक मतदार संघाच्या निवडणुकीत शिवसेनेकडून किशोर दराडे आणि राष्ट्रवादीकडून संदीप बेडसे उभे आहेत. आज मतदान सुरू असतानाच दराडे यांनी माघार घेतल्याचा मेसेज सोशल मीडियावरून व्हायरल झाला होता. ही पोस्ट राष्ट्रवादीच्या उमेदवारांनीच व्हायरल केल्याचा आरोप करत भालेकर शाळेतील मतदान केंद्रावरच राष्ट्रवादी आणि शिवसेनेच्या समर्थकांमध्ये जुंपली. त्यात आमदारांनीही शिवीगाळ सुरू केल्याने कार्यकर्ते आणखीनच भडकले आणि शाब्दिक चकमकीचं रुपांतर हाणामारीत झाले. त्यामुळे भयभीत झालेल्या मतदारांनी मतदान केंद्रावरून पळ काढल्याने मतदान प्रक्रियाही काही काळ थांबली.
दरम्यान, मतदान केंद्रावर तैनात असलेल्या पोलिसांनी तात्काळ हस्तक्षेप करून वाद मिटविल्याने मोठा अनर्थ टळला. पोलिसांनी हाणामारी करणाऱ्या दराडे आणि बेडसे समर्थकांना ताब्यात घेतले आहे. याप्रकरणी तक्रार नोंदविण्यात आली असून नाशिकमधील सर्वच मतदार संघावर पोलिसांचा बंदोबस्त वाढवण्यात आला असल्याचं सूत्रांनी सांगितलं.
नाशिकमध्ये शिक्षक मतदार संघासाठी सुरू असलेल्या मतदानावेळी शिवसेना आणि राष्ट्रवादी उमेदवारांच्या समर्थकांदरम्यान आज जोरदार हाणामारी झाली. यावेळी पोलिसांनी हस्तक्षेप केल्याने मोठा अनर्थ टळला असला तरी नाशिकमध्ये तणावाची परिस्थिती निर्माण झाली आहे.
नाशिक शिक्षक मतदार संघाच्या निवडणुकीत शिवसेनेकडून किशोर दराडे आणि राष्ट्रवादीकडून संदीप बेडसे उभे आहेत. आज मतदान सुरू असतानाच दराडे यांनी माघार घेतल्याचा मेसेज सोशल मीडियावरून व्हायरल झाला होता. ही पोस्ट राष्ट्रवादीच्या उमेदवारांनीच व्हायरल केल्याचा आरोप करत भालेकर शाळेतील मतदान केंद्रावरच राष्ट्रवादी आणि शिवसेनेच्या समर्थकांमध्ये जुंपली. त्यात आमदारांनीही शिवीगाळ सुरू केल्याने कार्यकर्ते आणखीनच भडकले आणि शाब्दिक चकमकीचं रुपांतर हाणामारीत झाले. त्यामुळे भयभीत झालेल्या मतदारांनी मतदान केंद्रावरून पळ काढल्याने मतदान प्रक्रियाही काही काळ थांबली.
दरम्यान, मतदान केंद्रावर तैनात असलेल्या पोलिसांनी तात्काळ हस्तक्षेप करून वाद मिटविल्याने मोठा अनर्थ टळला. पोलिसांनी हाणामारी करणाऱ्या दराडे आणि बेडसे समर्थकांना ताब्यात घेतले आहे. याप्रकरणी तक्रार नोंदविण्यात आली असून नाशिकमधील सर्वच मतदार संघावर पोलिसांचा बंदोबस्त वाढवण्यात आला असल्याचं सूत्रांनी सांगितलं.