त्र्यंबकेश्वर : त्र्यंबकेश्वर शहराच्या विविध समस्या तथा मागण्यांचे निवेदन नगराध्यक्ष पुरुषोत्तम लोहगावकर व त्यांच्या सहकाऱ्यांनी राज्याचे मुख्यमंत्री देवेंद्र फडणवीस व जलसंपदा वैद्यकीय शिक्षण तथा जिल्ह्याचे पालक मंत्री गिरीष महाजन यांना सादर केले. यावेळी परिषदेच्या मुख्याधिकारी डॉ. चेतना केरुरे, उपनगराध्यक्ष कैलास चोथे, गटनेते समीर पाटणकर आदी उपस्थित होते. त्र्यंबकेश्वर शहर व वाढीव हद्दीतील भूमिगत गटार योजनेला मंजुरी मिळावी, ३८ कोटी रुपये खर्चाचा डीपी प्लॅनतयार करून शासनाकडे मंजुरीसाठी पाठविण्यात आला आहे त्याला मंजुरी मिळावी, त्र्यंबकेश्वरला 'अ' वर्ग पर्यटन स्थळ म्हणून मान्यता मिळावी, पालिकेची जीर्ण इमारत पाडून नवीन प्रशासकीय इमारतीसाठी पाच कोटी रुपये निधी मंजूर करावा आदी मागण्या करण्यात आल्या.
मुख्यमंत्र्यांना मागण्यांचे साकडे
त्र्यंबकेश्वर शहराच्या विविध समस्या तथा मागण्यांचे निवेदन नगराध्यक्ष पुरुषोत्तम लोहगावकर व त्यांच्या सहकाऱ्यांनी राज्याचे मुख्यमंत्री देवेंद्र ...
महाराष्ट्र टाइम्स.कॉम 17 Jun 2019, 4:00 am