म. टा. खास प्रतिनिधी, नाशिक
केंद्रीय मंत्री नारायण राणे यांचा २५ सप्टेंबरला शहर पोलिस ऑनलाइन जबाब नोंदवणार आहेत. यापूर्वी राणे २ सप्टेंबर रोजी नाशिक पोलिसांसमोर हजर राहणार होते. मात्र, गणेशोत्सवाच्या पार्श्वभूमीवर त्यांना पुढील तारीख देण्यात आली होती.
भाजपची जनआशीर्वाद यात्रा सुरू असताना , मुख्यमंत्री उद्धव ठाकरे यांच्यावर टीका करताना केंद्रीय मंत्री नारायण राणे यांनी आक्षेपार्ह वक्तव्य केले होते. २४ ऑगस्ट रोजी ही घटना घडली होती. यामुळे नाशिकसह राज्यभरात राणेंविरोधात गुन्हे दाखल झाले. या प्रकरणी नाशिक शहर सायबर पोलिसांनी राणेंविरुद्ध गुन्हा दाखल केला होता. शिवसेनेचे महानगरप्रमुख सुधाकर बडगुजर यांनी राणेंविरोधात तक्रार दिली होती. या प्रकरणात उच्च न्यायालयाने राणे यांना जामीन मंजूर करताना १७ सप्टेंबरपर्यंत कोणतीही कारवाई न करण्याचे आदेश राज्य सरकारला दिले आहेत. त्यामुळे राणे यांचा शहर पोलिसांना जबाब नोंदवता आलेला नाही. शहर पोलिसांनी राणेंचा २५ सप्टेंबर रोजी ऑनलाइन जबाब घेण्याचे नियोजन आखले आहे. याबाबत पोलिसांनी राणे यांच्याशी चर्चाही केली. यापूर्वी राणे २ सप्टेंबर रोजी नाशिक पोलिसांसमोर हजर राहणार होते. मात्र, गणेशोत्सवाचे कारण देत त्यांच्या वकिलांनी तारीख वाढवून घेतली होती. करोनाच्या पार्श्वभूमीवर नाशिक पोलिसांनी राणेंच्या वकिलांशी बोलून २५ सप्टेंबर रोजी ऑनलाइन जबाब घेण्याचे निश्चित केले आहे. यावेळी पोलिस त्यांना प्रश्न विचारणार आहेत. राणेंच्या उत्तरानुसार जबाब नोंदवण्याचे काम पूर्ण होईल.
कायदेशीर प्रक्रिया पूर्ण केली जाईल. राणे यांच्यावतीने ऑनलाइन जबाब नोंदवण्याबाबत विचारणा झाली होती. ऑनलाइन जबाब नोंदवणे शक्य असल्याने २५ सप्टेंबर रोजी ही प्रक्रिया पूर्ण केली जाईल.
- दीपक पांडे, पोलिस आयुक्त
केंद्रीय मंत्री नारायण राणे यांचा २५ सप्टेंबरला शहर पोलिस ऑनलाइन जबाब नोंदवणार आहेत. यापूर्वी राणे २ सप्टेंबर रोजी नाशिक पोलिसांसमोर हजर राहणार होते. मात्र, गणेशोत्सवाच्या पार्श्वभूमीवर त्यांना पुढील तारीख देण्यात आली होती.
भाजपची जनआशीर्वाद यात्रा सुरू असताना , मुख्यमंत्री उद्धव ठाकरे यांच्यावर टीका करताना केंद्रीय मंत्री नारायण राणे यांनी आक्षेपार्ह वक्तव्य केले होते. २४ ऑगस्ट रोजी ही घटना घडली होती. यामुळे नाशिकसह राज्यभरात राणेंविरोधात गुन्हे दाखल झाले. या प्रकरणी नाशिक शहर सायबर पोलिसांनी राणेंविरुद्ध गुन्हा दाखल केला होता. शिवसेनेचे महानगरप्रमुख सुधाकर बडगुजर यांनी राणेंविरोधात तक्रार दिली होती. या प्रकरणात उच्च न्यायालयाने राणे यांना जामीन मंजूर करताना १७ सप्टेंबरपर्यंत कोणतीही कारवाई न करण्याचे आदेश राज्य सरकारला दिले आहेत. त्यामुळे राणे यांचा शहर पोलिसांना जबाब नोंदवता आलेला नाही. शहर पोलिसांनी राणेंचा २५ सप्टेंबर रोजी ऑनलाइन जबाब घेण्याचे नियोजन आखले आहे. याबाबत पोलिसांनी राणे यांच्याशी चर्चाही केली. यापूर्वी राणे २ सप्टेंबर रोजी नाशिक पोलिसांसमोर हजर राहणार होते. मात्र, गणेशोत्सवाचे कारण देत त्यांच्या वकिलांनी तारीख वाढवून घेतली होती. करोनाच्या पार्श्वभूमीवर नाशिक पोलिसांनी राणेंच्या वकिलांशी बोलून २५ सप्टेंबर रोजी ऑनलाइन जबाब घेण्याचे निश्चित केले आहे. यावेळी पोलिस त्यांना प्रश्न विचारणार आहेत. राणेंच्या उत्तरानुसार जबाब नोंदवण्याचे काम पूर्ण होईल.
कायदेशीर प्रक्रिया पूर्ण केली जाईल. राणे यांच्यावतीने ऑनलाइन जबाब नोंदवण्याबाबत विचारणा झाली होती. ऑनलाइन जबाब नोंदवणे शक्य असल्याने २५ सप्टेंबर रोजी ही प्रक्रिया पूर्ण केली जाईल.
- दीपक पांडे, पोलिस आयुक्त