म. टा. प्रतिनिधी, नाशिक
'महाराष्ट्र टाइम्स कल्चर क्लब'तर्फे येत्या रविवारी (दि. ७ जुलै) क्विलिंग आर्ट कार्यशाळेचे आयोजन करण्यात आले आहे.
आषाढी एकादशीनिमित्त क्विलिंग आर्टद्वारे श्री विठ्ठल साकारण्याची संधी नाशिककरांसाठी चालून आली आहे. ही कार्यशाळा मिनी मिरॅकल्स, रो-हाऊस क्रमांक १४, पारिजातनगर, महात्मानगर येथे सकाळी ११ वाजता होणार आहे. त्यात पूजा गवळी मार्गदर्शन करणार आहेत. कल्चर क्लब सभासदांसाठी २०० रुपये, तर इतरांसाठी ४०० रुपये शुल्क आकारण्यात येणार आहे.
कार्यशाळेसाठी येताना कात्री, डिंक आणि ब्लॅक कलरच्या क्विलिंग स्ट्रिप्सची दोन पाकिटे आणावीत, बाकी सर्व साहित्य आयोजकांकडून मिळणार आहे. या कार्यशाळेत वय वर्षे ८ ते ८० वयोगटाचे अबालवृद्ध सहभागी होऊ शकतात. रजिस्ट्रेशनसाठी ९४२२५१३५६९ या मोबाइल क्रमांकावर दुपारी १ ते ६ या वेळेत संपर्क साधावा किंवा महाराष्ट्र टाइम्स, दुसरा मजला, अल्फा स्क्वेअर, डिसुझा कॉलनी, कॉलेजरोड येथे भेट द्यावी.
---
२९९ रुपयांत सदस्यत्वाची संधी
'मटा कल्चर क्लब'चे सदस्यत्व अवघ्या २९९ रुपयांत मिळविण्याची संधी उपलब्ध करवून देण्यात आली आहे. ऑनलाइन सदस्यत्वासाठी www.mtcultureclub.com या संकेतस्थळास भेट देण्याचे आवाहनही करण्यात आले आहे.