कारच्या धडकेने
वृद्ध गंभीर जखमी
नाशिक : भरधाव कारने पाठीमागून दिलेल्या जोरदार धडकेत वृद्ध गंभीर जखमी झाला. ही घटना बुधवारी (दि. २५) रात्री गंगापूररोडवर घडली. धनराज अनराज गुंदेचा (वय ८२, रा. प्रमोदनगर) असे जखमींचे नाव आहे. सेकंड एम्पायर हॉटेलसमोर, प्रमोदनगर, गंगापूर रोड येथून पायी जात असताना, गुंदेचा यांना पाठीमागून आलेल्या कारने (एमएच १५, ई एक्स-९९५१) धडक दिली. अपघातानंतर कारचालक फरार झाला. नागरिकांनी गुंदेचा यांना खासगी रुग्णालयात दाखल केले. त्यांची प्रकृती गंभीर आहे. या प्रकरणी प्रत्यक्षदर्शी रोहन प्रसाद वेळदे यांनी दिलेल्या फिर्यादीनुसार गंगापूर पोलिस ठाण्यात गुन्हा दाखल झाला आहे.