म. टा. प्रतिनिधी, नाशिक
श्री समर्थ सद्गुरू रामदास स्वामी यांच्या सज्जनगडस्थित पादुकांचे श्री समर्थ सेवा मंडळाच्या माध्यमातून आज (दि. ५) शहरात आगमन होणार आहे. आज सायंकाळी ५.३० वाजता प. सा. नाट्यगृह येथे या पादुकांचे आगमन व स्वागत सोहळा मान्यवरांच्या उपस्थितीत होईल.
समर्थ पादुकांचे शहरात आगमन झाल्यानंतर १६ डिसेंबरपर्यंत श्री भद्रकाली मंदिरात या पादुकांचा निवास असणार आहे. आजच्या पादुका स्वागत सोहळ्यासाठी महापौर सतीश कुलकर्णी, आमदार देवयानी फरांदे, उपमहापौर भिकूबाई बागूल आदी उपस्थित राहणार आहेत. प. सा. नाट्यगृहापाशी पादुकांचे स्वागत झाल्यानंतर महात्मा गांधी रोड-मेनरोड-गाडगे महाराज पुतळा यामार्गे भद्रकाली मंदिरात पादुकांचे आगमन होणार आहे. अधिक माहिती व पाद्यपूजेसाठी दिलीप कुलकर्णी (८५३०७४४७१३) व भिक्षाफेरीसाठी रत्नाकर कावळे (९४२०४०३१०२) यांच्याशी संपर्क साधण्याचे आवाहन करण्यात आले आहे.