स्टेट बँकेत नोकरीची संधी
५७९ जागा; १२ जूनपर्यंत नोंदणी
म. टा. प्रतिनिधी, नाशिक
स्टेट बँक ऑफ इंडियात दहा पदांच्या ५७९ जागांसाठी भरती जाहीर करण्यात आली असून २ लाखापासून ८० लाखापर्यंत वार्षिक उत्पन्न या भरतीद्वारे निवड होणाऱ्या उमेदवारांना मिळणार आहे. २० जूनपर्यंत उमेदवारांना अर्ज नोंदणी करता येणार असून बँकेच्या भारतातील सर्व शाखा मिळून ही भरती घेतली जात आहे. त्यामुळे लाखोंचे पॅकेज मिळविण्यासाठी पदवीधरांना ही चांगली संधी प्राप्त झाली आहे.
स्टेट बँक ऑफ इंडियाच्या ५७९ जागांसाठी कोणत्याही विद्याशाखेतील पदवीधर किंवा पदव्युत्तर पदवी प्राप्त उमेदवार या भरतीसाठी पात्र आहेत. उमेदवारांना २० जूनपर्यंत ऑनलाइन अर्ज सादर करायचे असून त्यानंतर पुढील सूचना बँकेतर्फे जाहीर केल्या जाणार आहेत. पदानुसार २० ते ५० वयोगटातील उमेदवार भरतीसाठी अर्ज करू शकतात. पदानुसार वयाची अट, अनुभव आणि इतर महत्त्वाच्या बाबी बँकेने अधिकृत वेबसाइटवर जाहीर केल्या आहेत. त्यानुसार उमेदवारांनी अर्ज नोंदणी करण्याचे आवाहन बँकेने केले आहे. अर्ज नोंदणीसाठी व अधिकृत माहितीसाठी उमेदवारांनी https://bank.sbi/careers/ किंवा https://www.sbi.co.in/careers/ या वेबसाइटचा वापर करावा, असे बँकेतर्फे सांगण्यात आले आहे.
--
पदे जागा
हेड - १
सेंट्रल रिसर्च टीम - १
रिलेशनशिप मॅनेजर (इ-वेल्थ, एनआरआय) - ४८६
रिलेशनशिप मॅनेजर (टीम लीड) - २०
कस्टमर रिलेशनशिप एक्झिक्युटिव्ह - ६६
झोनल हेड सेल्स - १
सेंट्रल ऑपरेशन टीम सपोर्ट - ०३
रिस्क अँड कंप्लायंस ऑफिसर - १
एकूण - ५७९
--
वापरा अधिकृत वेबसाइट
स्टेट बँक ऑफ इंडिया भरतीप्रक्रियेद्वारे निवड झालेल्या किंवा संभाव्य निवड यादीत उमेदवारांचे नाव जाहीर करत नाही. रजिस्ट्रेशन नंबर किंवा रोल नंबरची यादी प्रसिद्ध केली जाते. त्यामुळे स्टेट बँक ऑफ इंडियाच्या नावाने उमेदवारांच्या नावासहित यादी जाहीर झाल्यास त्याची खात्री करून घ्यावी. प्रत्येकाला बँकेतर्फे इ-मेल, पोस्ट आणि एसएमएमसद्वारे सर्व नोटीस व माहिती कळविण्यात येते. त्यामुळे अर्ज करणाऱ्या उमेदवारांनी केवळ अधिकृत वेबसाइटचाच वापर करावा, असे आवाहन बँकेतर्फे करण्यात आले आहे.