'मटा कल्चर क्लब'तर्फे वर्कशॉप
..
म. टा. प्रतिनिधी, नाशिक
मोबाइल क्लिक्सच्या जमान्यात प्रोफेशन फोटोग्राफीची तरुणाईत प्रचंड क्रेझ आहे. हौशी फोटोग्राफर्सला अनेकदा शास्त्रशुद्ध शिक्षण मिळण्याची आतुरता असते. सेलिब्रेटी फोटोग्राफरकडून तुम्हाला कॅमेरा आणि फोटोग्राफी शिकण्याची संधी मिळणार आहे. यासाठी खास 'बेसिक फोटोग्राफी वर्कशॉप'चे आयोजन करण्यात आले आहे.
'महाराष्ट्र टाइम्स' नाशिक आवृत्तीच्या आठव्या वर्धापनदिनानिमित्त 'महाराष्ट्र टाइम्स कल्चर क्लब'च्यावतीने रविवारी (२ जून) रोजी 'बेसिक फोटोग्राफी वर्कशॉप' आयोजित करण्यात आला आहे. गंगापूररोड परिसरातील मविप्र संस्थेच्या कॉलेज ऑफ आर्किटेक्चर अॅण्ड सेंटर फॉर डिझाइनमध्ये हे वर्कशॉप होईल.
सेलिब्रेटी फोटोग्राफर विराज शिरोडकर हे या वर्कशॉपमध्ये प्रोफेशनल फोटोग्राफीचे धडे देणार आहेत. डीएसएलआर कॅमेरा कसा हाताळावा. कॅमेऱ्याचे विविध प्रकार आणि त्यांची माहिती. लेन्सचा उपयोग कशा पद्धतीने करता येतो. फोटोग्राफीचा सराव म्हणजे नेमके काय. फोटोग्राफीची कला विकसित करण्यासाठीचे महत्त्वाचे मुद्दे यासारख्या अनेक गोष्टींवर वर्कशॉपमधून प्रकाशझोत टाकण्यात येणार आहे. ज्यांना प्रोफेशन फोटोग्राफी शिकण्याची आवड असेल, त्यांच्यासाठी हा वर्कशॉप अतिशय महत्त्वाचा ठरणार आहे. लँडस्केप, कँडिड, ट्रॅव्हल, स्पोर्टसह वेगवेगळ्या प्रसंगांची फोटोग्राफी कशी करावी याचा वेध वर्कशॉपमध्ये घेण्यात येणार आहे. प्रात्यक्षिकांसह वर्कशॉपमध्ये मार्गदर्शन केले जाणार आहे. त्यासाठी ज्यांच्याकडे डीएसएलआर कॅमेरा आहे. त्यांनी वर्कशॉपमध्ये येताना कॅमेरा घेऊन यावा. वर्कशॉपमध्ये सहभागी होण्यासाठी कल्चर क्लब सदस्यांसाठी ७०० रुपये, तर इतरांसाठी १ हजार रुपये शुल्क असेल. सहभागासाठी नाव नोंदणी आवश्यक असून, नोंदणीसाठी दुपारी १ ते ६ या वेळेत ९४२२५१३५६९ या क्रमांकावर किंवा 'महाराष्ट्र टाइम्स', दुसरा मजला, अल्फा स्केअर, डिसुझा कॉलनी, कॉलेजरोड या पत्त्यावर संपर्क साधावा.