नाशिक : सहायक अधीक्षक संजय दादा धारणकर (४७) यांनी गळफास लावून आत्महत्या केल्याप्रकरणी पोलिसांनी तपास सुरू आहे. पोलिसांनी आज, शुक्रवारी जबाब नोंदवण्याच्या कामास सुरुवात केली. मात्र, तांत्रिक कारणांमुळे ते शक्य झाले नाही. धारणकर यांच्या पत्नीसह कुटुंबियांचे जबाब शनिवारी (दि. ४) नोंदवण्याचा प्रयत्न करणार असल्याचे पोलिस अधिकाऱ्यांनी स्पष्ट केले.
ऑफिसच्या ताणामुळे आत्महत्या करीत असल्याची सुसाईड नोट धारणकर यांच्या पॅण्टच्या खिशात आढळून आल्याने गंगापूर पोलिसांनी तपासाचा केंद्रस्थानी त्या सुसाईड नोटला ठेवले आहे. याबाबत वरिष्ठ पोलिस निरीक्षक के. जी. मोरे यांनी सांगितले की, अद्याप या प्रकरणी कोणतेही जबाब नोंदवण्यात आलेले नाही. मात्र, धारणकर कुटुंबियासह त्यांच्या परिचितांचे जबाब नोंदवण्यात येतील. जबाबानुसार पुढील तपास करण्यात येईल, असेही मोरे यांनी स्पष्ट केले.