पंचवटी : जनतेच्या मागण्या शासन दरबारी मांडण्यासाठी छावा मराठा संघटनेचा राज्यव्यापी मेळावा शुक्रवारी (दि. ३०) सकाळी ११ वाजता पंचवटीतील हनुमानवाडी येथील भावबंधन मंगल कार्यालयात होणार आहे.
या मेळाव्यात मराठा आरक्षणाच्या लढाईत तसेच इतर राजकीय, सामाजिक, शैक्षणिक, औद्योगिक, क्षेत्रात योगदान देणाऱ्या मान्यवरांना 'मराठा समाज रत्न' व 'मराठा समाज मित्र' या पुरस्काराने सन्मानित करण्यात येणार आहे. या मेळाव्यास प्रमुख पाहुणे म्हणून केंद्रीय मंत्री रावसाहेब दानवे, रामदास आठवले, विधानसभा अध्यक्ष हरिभाऊ बागडे, सहकार राज्यमंत्री दादा भुसे, माजी मुख्यमंत्री अशोक चव्हाण, माजी मंत्री अजित पवार, जितेंद्र आव्हाड, छावा मराठा संघटनेचे संस्थापक अध्यक्ष किशोर चव्हाण आदी उपस्थित राहणार असल्याची माहिती छावा मराठा संघटनेचे प्रदेशाध्यक्ष विलास पांगारकर यांनी दिली.