सिन्नर : तालुक्यातील नांदूरशिंगोटे शिवारातील नाशिक-पुणे महामार्गालगत असलेल्या कोलथाडवाडी परिसरात बिबट्या दिसल्याने शेतकऱ्यांमध्ये भीती पसरली आहे. भोजापूर खोरे परिसरात गेल्या काही दिवसांपासून बिबट्याचा वावर वाढला असून, दिवसाही बिबट्याचे दर्शन होत असल्याने परिसरातील ग्रामस्थांमध्ये दहशत पसरली आहे. परिसरातील कोलथाडवाडी भागातील दक्षिणेच्या बाजूला डोंगराळ भाग तसेच जंगल आहे. त्यामुळे जंगली प्राण्यांना जंगलात पिण्यासाठी पाणी उपलब्ध नसल्याने मोर, बिबटे, लांडगे आदी वन्य प्राणी दिवसाही पाण्याच्या शोधार्थ मानवी वस्तीकडे धाव घेत आहेत. सोमवारी सायंकाळी नाशिक-पुणे महामार्ग ओलांडून बिबट्या वस्तीकडे येत असताना या भागात राहणारे संजय शेळके व महादू शेळके यांना तो दिसला. त्यानंतर बिबट्या डाळिंबाच्या बागेत गेल्याचे त्यांनी पाहिले. या भागातील शेतकऱ्यांना रात्री फटाके वाजवून बिबट्याला हुसकवण्याचा प्रयत्न केला. वनविभागाने या ठिकाणी पिंजरे लावून बिबट्याचा बंदोबस्त करावा, अशी मागणी शेतकरी करीत आहे.
नांदूरशिंगोटेजवळ बिबट्याचे दर्शन
तालुक्यातील नांदूरशिंगोटे शिवारातील नाशिक-पुणे महामार्गालगत असलेल्या कोलथाडवाडी परिसरात बिबट्या दिसल्याने शेतकऱ्यांमध्ये भीती पसरली आहे...
Maharashtra Times 15 Nov 2018, 4:00 am