म. टा. वृत्तसेवा, त्र्यंबकेश्वर
करोना आणि त्यामुळे ओढावलेल्या लॉकडाउनमुळे श्रावण महिन्यातील तिसऱ्या सोमवारचा पर्वकाल साधण्यासाठी आद्य ज्योतिर्लिंग त्र्यंबकेश्वर येथे भाविक फिरकले नाहीत. तिसऱ्या सोमवारी ब्राह्मगिरी प्रदक्षिणा मार्गासह सर्वत्र शुकशुकाट होता. एरवी तिसऱ्या श्रावण सोमवारच्या पूर्वसंध्येपासून 'बम बम भोले', 'हरहर महादेव' गर्जनांनी दुमदुमणारी त्र्यंबकनगरी यंदा मात्र स्तब्ध झाली होती.
यंदा करोनामुळे त्र्यंबकेश्वर येथील मंदिर बंद करण्यात आले आहे. गेल्या चार महिन्यांपासून येथे शुकशुकाट आहे. त्यातच श्रावण महिन्यात येथे लाखो भाविक दर्शनासाठी येत असतात. यावर्षी ती देखील सुविधा नसल्याने भाविकांमध्ये नाराजी आहे. दोन दिवसांपूर्वी त्र्यंबकेश्वर देवस्थान ट्रस्टने तिसऱ्या सोमवारी त्र्यंबकराजाच्या ऑनलाइन दर्शनाची घोषणा केली होती. मात्र तांत्रिक अडचण आल्याने सकाळी सुरू होणारे ऑनलाइन दर्शन सायंकाळी पालखी मंदिरापर्यंत आल्यानंतर सुरू करण्याचे ठरविण्यात आले. त्यामुळेदेखील भाविकांचा हिरमोड झाला. अनेकांनी दूरध्वनीवरदेखील विचारणा केली.
त्र्यंबकेश्वरमधील अन्य शिवमंदिरात स्थानिकांची दर्शनासाठी हजेरी
हॉटेल बंद असल्याने पोलिसांना घडला उपवास
त्र्यंबकेश्वराची पालखी कुशावर्तावर गेली तेव्हा भाविकांची उपस्थिती नव्हती
दिवसभर अधूनमधून पावसाच्या सरी कोसळत होत्या
फेरा चुकला...!
गेल्या २५ वर्षांपासून तिसऱ्या सोमवारची महती अचानक उदयाला आली. मात्र यामुळे स्थानिकांना उत्पन्न कमी आणि त्रासच अधिक होत होता. वारंवार प्रबोधन करूनही तिसऱ्या सोमवारबद्दल निर्माण झालेले समज दूर होत नव्हते. शहरातल्या व्यवसायिकांना, प्रवासी वाहतूक करणाऱ्यांना, हॉटेल व्यवसायिकांना यात्रेचा व्यावसायिक फायदा होत नव्हता. नागरिकांना देखील शहरातील नाकेबंदीने त्रासच होत असायचा. यावर्षी मात्र करोनाच्या संकटाने तिसरा सोमवारचा फेरा चुकला याबद्दल काही प्रमाणात समाधान व्यक्त होत आहे.
करोना आणि त्यामुळे ओढावलेल्या लॉकडाउनमुळे श्रावण महिन्यातील तिसऱ्या सोमवारचा पर्वकाल साधण्यासाठी आद्य ज्योतिर्लिंग त्र्यंबकेश्वर येथे भाविक फिरकले नाहीत. तिसऱ्या सोमवारी ब्राह्मगिरी प्रदक्षिणा मार्गासह सर्वत्र शुकशुकाट होता. एरवी तिसऱ्या श्रावण सोमवारच्या पूर्वसंध्येपासून 'बम बम भोले', 'हरहर महादेव' गर्जनांनी दुमदुमणारी त्र्यंबकनगरी यंदा मात्र स्तब्ध झाली होती.
यंदा करोनामुळे त्र्यंबकेश्वर येथील मंदिर बंद करण्यात आले आहे. गेल्या चार महिन्यांपासून येथे शुकशुकाट आहे. त्यातच श्रावण महिन्यात येथे लाखो भाविक दर्शनासाठी येत असतात. यावर्षी ती देखील सुविधा नसल्याने भाविकांमध्ये नाराजी आहे. दोन दिवसांपूर्वी त्र्यंबकेश्वर देवस्थान ट्रस्टने तिसऱ्या सोमवारी त्र्यंबकराजाच्या ऑनलाइन दर्शनाची घोषणा केली होती. मात्र तांत्रिक अडचण आल्याने सकाळी सुरू होणारे ऑनलाइन दर्शन सायंकाळी पालखी मंदिरापर्यंत आल्यानंतर सुरू करण्याचे ठरविण्यात आले. त्यामुळेदेखील भाविकांचा हिरमोड झाला. अनेकांनी दूरध्वनीवरदेखील विचारणा केली.
त्र्यंबकेश्वरमधील अन्य शिवमंदिरात स्थानिकांची दर्शनासाठी हजेरी
हॉटेल बंद असल्याने पोलिसांना घडला उपवास
त्र्यंबकेश्वराची पालखी कुशावर्तावर गेली तेव्हा भाविकांची उपस्थिती नव्हती
दिवसभर अधूनमधून पावसाच्या सरी कोसळत होत्या
फेरा चुकला...!
गेल्या २५ वर्षांपासून तिसऱ्या सोमवारची महती अचानक उदयाला आली. मात्र यामुळे स्थानिकांना उत्पन्न कमी आणि त्रासच अधिक होत होता. वारंवार प्रबोधन करूनही तिसऱ्या सोमवारबद्दल निर्माण झालेले समज दूर होत नव्हते. शहरातल्या व्यवसायिकांना, प्रवासी वाहतूक करणाऱ्यांना, हॉटेल व्यवसायिकांना यात्रेचा व्यावसायिक फायदा होत नव्हता. नागरिकांना देखील शहरातील नाकेबंदीने त्रासच होत असायचा. यावर्षी मात्र करोनाच्या संकटाने तिसरा सोमवारचा फेरा चुकला याबद्दल काही प्रमाणात समाधान व्यक्त होत आहे.