स्नेहा मांडोले हिचे प्रतिपादन
...
म. टा. वृत्तसेवा, नाशिकरोड
कोणत्याही क्षेत्रात यशस्वी व्हायचे असेल, तर त्या क्षेत्राबद्दल आवड, जिद्द आणि प्रचंड मेहनत असेल तरच यशस्वी होता येते, असे मत राष्ट्रीय धनुर्धारी खेळाडू स्नेहा मांडोले हिने व्यक्त केले.
नाशिकरोड येथील वनिता विकास मंडळ संस्थेच्या वार्षिक क्रीडा पारितोषिक वितरण समारंभाप्रसंगी तिने हे मत व्यक्त केले. या कार्यक्रमास संस्थेच्या सहकार्यवाह कविता देशपांडे, मुख्याध्यापक अनिल नागरे, गीता घुटे, पालक शिक्षक संघाचे उपाध्यक्ष सोमनाथ नागरे उपस्थित आदी उपस्थित होते.
उपस्थितांच्या हस्ते संस्थेच्या बालमंदिर, प्राथमिक, माध्यमिक शाळेतील क्रीडा महोत्सवात विविध खेळात प्रावीण्य मिळविलेल्या विद्यार्थ्यांना तसेच, पालक-शिक्षक शिक्षकेतर कर्मचारी यांना पारितोषिके देऊन गौरविण्यात आले. मांडोले यांनी धनुर्विद्याची प्रात्यक्षिकासह माहिती दिली.
वृषाली महालपुरे यांनी सूत्रसंचालन केले. सरिता पाचपांडे यांनी स्वागतगीत सादर केले. तुषार बोरसे यांनी अतिथी परिचय करून दिला. मुख्याध्यापक अनिल नागरे यांनी आभार मानले.