चोरटेही करतात चोरीचे मॅनेजमेंट!
म. टा. प्रतिनिधी, नाशिक
कमी श्रमात पैसा कमवणारे सराईत गुन्हेगार पोलिसांच्या एक पाऊल पुढे राहण्याचा सतत प्रयत्न करतात. पोलिसांचे प्रयत्न चोख असेल तरच असे सराईत गुन्हेगार पोलिसांच्या हाती लागतात. चोरीच्या घटना पूर्णत्वास नेण्यासाठी चोरटे नियोजन आखतात. एवढेच नव्हे तर एखाद्या कार्पोरेट कंपन्यांना लाजवेल अशी यंत्रणा राबवतात, हे श्रीरामपूर येथील चोरट्यांच्या अटकेने स्पष्ट झाले आहे.
संशयित आरोपींकडून एक दुचाकी जप्त करण्यात आली. ही दुचाकी ठाणे जिल्ह्यातील विठ्ठलवाडी पोलिस स्टेशन हद्दीतून चोरी झाली होती. चोरीची मोटारसायकल आणि एक कार आणि काही भाडोत्री हॅण्डलर असा लवाजमा पूर्ण झाला की संशयित आरोपी चेन स्नॅचिंगसाठी श्रीरामपूर येथून बाहेर पडायचे. साधारणत: एक हजार रूपये रोज या पद्धतीने सोबतीला आणलेले साथिदार कार आणि दुचाकी शहरापर्यंत आणयचे. तिथे एखाद्या लॉजमध्ये साथीदारांना थांबवून चौघे संशयित महिलांना लक्ष करण्यासाठी शहरात फिरायचे. दुचाकीवरील चोरट्यांनी आपले काम फत्ते केली की संशयित पूर्वनिश्चित ठरलेल्या ठिकाणी थांबलेल्या कारपर्यंत यायचे. कारमधील दोघे दुचाकीचा ताबा घ्यायचे तर कारमधील आरोपी मोटारसायकल घेऊन पुन्हा महिलांच्या शोधासाठी निघायचे. त्यांनीही आपले काम पूर्ण केले की, लॉजमध्ये थांबलेल्या हॅण्डलरकडे वाहने सोपवून चौघेही रेल्वे अथवा बसने शहरातून निघून जायचे. यामुळे पोलिसांचा तपास सुरू होण्यापूर्वीच बंद व्हायचा. ठिकठिकाणच्या घटनेनंतर नाकाबंदी करूनही गुन्हेगार दुचाकीचालकाचे वर्णन जुळत नसल्याने भामटे पोलिसांच्या हाती लागत नव्हते. याच पद्धतीने आरोपींनी नाशिक, मुंबई, केरळ तसेच ओडिशा राज्यातही चेन स्नॅचिंग केल्या आहेत. चेन स्नॅचिंगच्या गुन्ह्यात केरळ पोलिसांनी संशयितांना अटक केली होती. गुन्हा सिद्ध झाल्यानंतर संशयितांना एक वर्षाची शिक्षाही झाली होती. मात्र, जेलमधून बाहेर पडताच इराणी टोळीचा उद्योग पुन्हा सुरू झाला.
इराणी टोळीला इतरांची साथ
इराणी टोळींचे वास्तव्य श्रीरामपूरसह कल्याण तसेच महाराष्ट्र आणि मध्य प्रदेश राज्याच्या सीमावर्ती भागात आढळते. तोतया पोलिस आणि चेन स्नॅचिंग या गुन्ह्यात इराणी टोळ्यांचा सहभाग सर्वाधिक असतो. मात्र, या टोळ्या शक्यतो आपआपल्या पद्धतीने काम करतात. इतर समाजातील नागरिकांचा त्यांचा कमीत कमी समावेश असतो. यावेळी मात्र इराणी टोळीतील चौघांनी श्रीरामपूरसह नाशिक आणि इतर शहरातील स्थानिकांची मदत घेतली असून, पोलिसांच्या दृष्टीने ही चिंताजनक बाब आहे. संशयितांना मदत करणाऱ्यांचा शोध पोलिस घेत आहेत.
ही एक राष्ट्रीय पातळीवर नियोजनबद्ध काम करणारी टोळी असून, संशयितांची संख्या वाढू शकते. संशयित आरोपींकडे चौकशी सुरू आहे. त्यामुळे त्यांनी केलेले आणखी काही गुन्हे उघडकीस येऊ शकतात. या टोळीविरोधात मोक्का अथवा एमपीआयडीसारखी प्रतिबंधात्मक कारवाई करता येईल काय, याची चाचपणी घेण्याचे काम सुरू आहे.
-डॉ. रवींद्रकुमार सिंगल, पोलिस आयुक्त
म. टा. प्रतिनिधी, नाशिक
कमी श्रमात पैसा कमवणारे सराईत गुन्हेगार पोलिसांच्या एक पाऊल पुढे राहण्याचा सतत प्रयत्न करतात. पोलिसांचे प्रयत्न चोख असेल तरच असे सराईत गुन्हेगार पोलिसांच्या हाती लागतात. चोरीच्या घटना पूर्णत्वास नेण्यासाठी चोरटे नियोजन आखतात. एवढेच नव्हे तर एखाद्या कार्पोरेट कंपन्यांना लाजवेल अशी यंत्रणा राबवतात, हे श्रीरामपूर येथील चोरट्यांच्या अटकेने स्पष्ट झाले आहे.
संशयित आरोपींकडून एक दुचाकी जप्त करण्यात आली. ही दुचाकी ठाणे जिल्ह्यातील विठ्ठलवाडी पोलिस स्टेशन हद्दीतून चोरी झाली होती. चोरीची मोटारसायकल आणि एक कार आणि काही भाडोत्री हॅण्डलर असा लवाजमा पूर्ण झाला की संशयित आरोपी चेन स्नॅचिंगसाठी श्रीरामपूर येथून बाहेर पडायचे. साधारणत: एक हजार रूपये रोज या पद्धतीने सोबतीला आणलेले साथिदार कार आणि दुचाकी शहरापर्यंत आणयचे. तिथे एखाद्या लॉजमध्ये साथीदारांना थांबवून चौघे संशयित महिलांना लक्ष करण्यासाठी शहरात फिरायचे. दुचाकीवरील चोरट्यांनी आपले काम फत्ते केली की संशयित पूर्वनिश्चित ठरलेल्या ठिकाणी थांबलेल्या कारपर्यंत यायचे. कारमधील दोघे दुचाकीचा ताबा घ्यायचे तर कारमधील आरोपी मोटारसायकल घेऊन पुन्हा महिलांच्या शोधासाठी निघायचे. त्यांनीही आपले काम पूर्ण केले की, लॉजमध्ये थांबलेल्या हॅण्डलरकडे वाहने सोपवून चौघेही रेल्वे अथवा बसने शहरातून निघून जायचे. यामुळे पोलिसांचा तपास सुरू होण्यापूर्वीच बंद व्हायचा. ठिकठिकाणच्या घटनेनंतर नाकाबंदी करूनही गुन्हेगार दुचाकीचालकाचे वर्णन जुळत नसल्याने भामटे पोलिसांच्या हाती लागत नव्हते. याच पद्धतीने आरोपींनी नाशिक, मुंबई, केरळ तसेच ओडिशा राज्यातही चेन स्नॅचिंग केल्या आहेत. चेन स्नॅचिंगच्या गुन्ह्यात केरळ पोलिसांनी संशयितांना अटक केली होती. गुन्हा सिद्ध झाल्यानंतर संशयितांना एक वर्षाची शिक्षाही झाली होती. मात्र, जेलमधून बाहेर पडताच इराणी टोळीचा उद्योग पुन्हा सुरू झाला.
इराणी टोळीला इतरांची साथ
इराणी टोळींचे वास्तव्य श्रीरामपूरसह कल्याण तसेच महाराष्ट्र आणि मध्य प्रदेश राज्याच्या सीमावर्ती भागात आढळते. तोतया पोलिस आणि चेन स्नॅचिंग या गुन्ह्यात इराणी टोळ्यांचा सहभाग सर्वाधिक असतो. मात्र, या टोळ्या शक्यतो आपआपल्या पद्धतीने काम करतात. इतर समाजातील नागरिकांचा त्यांचा कमीत कमी समावेश असतो. यावेळी मात्र इराणी टोळीतील चौघांनी श्रीरामपूरसह नाशिक आणि इतर शहरातील स्थानिकांची मदत घेतली असून, पोलिसांच्या दृष्टीने ही चिंताजनक बाब आहे. संशयितांना मदत करणाऱ्यांचा शोध पोलिस घेत आहेत.
ही एक राष्ट्रीय पातळीवर नियोजनबद्ध काम करणारी टोळी असून, संशयितांची संख्या वाढू शकते. संशयित आरोपींकडे चौकशी सुरू आहे. त्यामुळे त्यांनी केलेले आणखी काही गुन्हे उघडकीस येऊ शकतात. या टोळीविरोधात मोक्का अथवा एमपीआयडीसारखी प्रतिबंधात्मक कारवाई करता येईल काय, याची चाचपणी घेण्याचे काम सुरू आहे.
-डॉ. रवींद्रकुमार सिंगल, पोलिस आयुक्त