त्र्यंबकेश्वर:
त्र्यंबक शहरातील वृद्धास सुवर्णस्पर्श करून दक्षिणा देण्याच्या बहाणा करीत दहा तोळ्याचा सोण्याचा गोफ हातोहात लांबविल्याची घटना घडली. त्र्यंबक पोलिस ठाण्यात अज्ञात भामट्यांविरुद्ध गुन्हा नोंदविण्यात आला आहे. दसऱ्याच्या पूर्वसंध्येलाच ही घटना घडल्यामुळे खळबळ उडाली आहे.
संमोहन करीत लूटमार करण्याच्या आणखी काही घटना घडल्याची चर्चा शहरात सुरू आहे. मात्र त्याबाबत पोलिसात नोंद झालेली नाही. बुधवारी सकाळी मेनरोडवरील धनेश्वर मंदिरासमोर पुरोहित बाजीराव जोशी (वय ७०) घरात वर्तमानपत्र वाचत होते. मोटारसायकलवरून आलेले दोन अज्ञात त्यांच्या घरात आले. त्यांनी हेलमेट घातलेले होते. स्वत:कडील दोन हजारांच्या नोटांचे बंडल त्यांनी पिशवीतून काढून दाखविले. तसेच ११०० रुपये हातात घेऊन तुम्हाला दक्षिणा द्यावयाची आहे. परंतु त्यास सोन्याचा स्पर्श करावा लागेल असे म्हणून बाजीराव जोशी यांच्या गळ्यातील सोण्याच्या चैनची मागणी केली. त्यांनी चैन भामट्यांच्या हातात दिली असता त्यांनी चैन स्वत:च्या अकाराशे रुपयांच्या नोटांना गुंडाळत असल्याचे भासवले आणि सोबतच्या प्लास्टिकच्या पिशवीत ठेऊन ती पिशवी जोशी यांच्या हवाली केली. त्यानंतर दोन्ही भामटे मोटारसायकालवरून निघून गेले. त्यानंतर जोशी यांनी पिशवी उघडली असता त्यामध्ये अकराशे रुपये होते मात्र सोण्याची चैन नव्हती. तसेच नोटांच्या बंडल ऐवजी बिस्कीटाचे पुडे आढळून आले. जोशी यांनी लगेच पोलिस ठाणे गाठले. पोलिसांनी शोध घेतला असता तोपर्यंत भामटे पसार झाले होते. शेजारील इमारतीच्या सीसीटीव्हीमध्ये मोटारसायकलवर बसलेले भामटे स्पष्ट दिसत नसल्याने त्यांचा शोध घेणे अवघड झाले आहे. दरम्यान या सारखीच आणखी एक घटना दोन दिवसांपूर्वी घडल्याची चर्चा शहरात आहे. मात्र पोलिस ठाण्यात नोंद नसल्याने त्यास दुजोरा मिळालेला नाही.
पोलिसांचे आवाहन
त्र्यंबक शहरात सुवर्णस्पर्श, दक्षणा देण्याच्या नावाने कोणीही आढळल्यास त्वरीत पोलिस ठाण्यात संपर्क करावा. तसेच दागीने पॉलिश करण्याचे अथवा रक्कम दुप्पट करण्याचे कोणीही सांगत असेल तर घरातील व्यक्तींना सांगावे किंवा पोलिसांना कळवावे. अज्ञात संशयास्पद व्यक्ती आढळ्यास पोलिस निरीक्षक रवीकांत सोनवणे (८८८८५२५९९९), पोलिस ठाणे (०२५९४-२३३१३) येथे संपर्क साधा, असे आवाहन पोलिसांनी केले आहे.
त्र्यंबक शहरातील वृद्धास सुवर्णस्पर्श करून दक्षिणा देण्याच्या बहाणा करीत दहा तोळ्याचा सोण्याचा गोफ हातोहात लांबविल्याची घटना घडली. त्र्यंबक पोलिस ठाण्यात अज्ञात भामट्यांविरुद्ध गुन्हा नोंदविण्यात आला आहे. दसऱ्याच्या पूर्वसंध्येलाच ही घटना घडल्यामुळे खळबळ उडाली आहे.
संमोहन करीत लूटमार करण्याच्या आणखी काही घटना घडल्याची चर्चा शहरात सुरू आहे. मात्र त्याबाबत पोलिसात नोंद झालेली नाही. बुधवारी सकाळी मेनरोडवरील धनेश्वर मंदिरासमोर पुरोहित बाजीराव जोशी (वय ७०) घरात वर्तमानपत्र वाचत होते. मोटारसायकलवरून आलेले दोन अज्ञात त्यांच्या घरात आले. त्यांनी हेलमेट घातलेले होते. स्वत:कडील दोन हजारांच्या नोटांचे बंडल त्यांनी पिशवीतून काढून दाखविले. तसेच ११०० रुपये हातात घेऊन तुम्हाला दक्षिणा द्यावयाची आहे. परंतु त्यास सोन्याचा स्पर्श करावा लागेल असे म्हणून बाजीराव जोशी यांच्या गळ्यातील सोण्याच्या चैनची मागणी केली. त्यांनी चैन भामट्यांच्या हातात दिली असता त्यांनी चैन स्वत:च्या अकाराशे रुपयांच्या नोटांना गुंडाळत असल्याचे भासवले आणि सोबतच्या प्लास्टिकच्या पिशवीत ठेऊन ती पिशवी जोशी यांच्या हवाली केली. त्यानंतर दोन्ही भामटे मोटारसायकालवरून निघून गेले. त्यानंतर जोशी यांनी पिशवी उघडली असता त्यामध्ये अकराशे रुपये होते मात्र सोण्याची चैन नव्हती. तसेच नोटांच्या बंडल ऐवजी बिस्कीटाचे पुडे आढळून आले. जोशी यांनी लगेच पोलिस ठाणे गाठले. पोलिसांनी शोध घेतला असता तोपर्यंत भामटे पसार झाले होते. शेजारील इमारतीच्या सीसीटीव्हीमध्ये मोटारसायकलवर बसलेले भामटे स्पष्ट दिसत नसल्याने त्यांचा शोध घेणे अवघड झाले आहे. दरम्यान या सारखीच आणखी एक घटना दोन दिवसांपूर्वी घडल्याची चर्चा शहरात आहे. मात्र पोलिस ठाण्यात नोंद नसल्याने त्यास दुजोरा मिळालेला नाही.
पोलिसांचे आवाहन
त्र्यंबक शहरात सुवर्णस्पर्श, दक्षणा देण्याच्या नावाने कोणीही आढळल्यास त्वरीत पोलिस ठाण्यात संपर्क करावा. तसेच दागीने पॉलिश करण्याचे अथवा रक्कम दुप्पट करण्याचे कोणीही सांगत असेल तर घरातील व्यक्तींना सांगावे किंवा पोलिसांना कळवावे. अज्ञात संशयास्पद व्यक्ती आढळ्यास पोलिस निरीक्षक रवीकांत सोनवणे (८८८८५२५९९९), पोलिस ठाणे (०२५९४-२३३१३) येथे संपर्क साधा, असे आवाहन पोलिसांनी केले आहे.