मटा इम्पॅक्ट
स्थानिकांनी केली मदत
म. टा. वृत्तसेवा, त्र्यंबकेश्वर
लॉकडाऊनमुळे त्र्यंबकेश्वर येथील पत्र्यांच्या शेडमध्ये अडकलेल्या १४ परप्रांतीय कामगारांना सेवा फाउंडेशन आणि लोकप्रतिनिधींनी पुढाकार मदत पुरविली आहे. 'महाराष्ट्र टाइम्स'ने या कामगारांबाबत वृत्त प्रकाशित करताच अनेक मदतीचे हात पुढे आहेत आहेत.
त्र्यंबकेश्वर येथे १४ उत्तर प्रदेशातील काही व्यावसायीक पत्र्याच्या शेडमध्ये राहत असल्याचे वृत्त 'महाराष्ट्र टाइम्स'ने प्रसिद्ध केले. त्याची तहसीलदार दीपक गिरासे, पोलिस उपविभागीय अधिकारी भिमाशंकर ढोले, मुख्याधिकारी डॉ. प्रवीण निकम आदींनी त्वरीत दखल घेतली. तलाठी डोंगरे यांनी या व्यावसायिकांची भेट घेतली. सध्या ते राहत असलेल्या परिसरात त्यांची निवास व्यवस्था करण्यात आली असूल, तहसीलदार गिरासे यांनी सेवा फाउंडेशनचे अध्यक्ष व नगरसेवक स्वप्नील शेलार यांना मदतीचे आवाहन केले. सेवा फाउंडेशन सध्या शहरातील नागरिकांची मदत घेऊन गरजूंना तातडीची मदत पुरवित आहे. त्यासोबत मुक्या प्राण्यांना देखील खाद्य पुरवत आहेत. नगराध्यक्ष पुरुषोत्तम लोहगावकर आणि सर्व नगरसेवक यांच्या सहकार्याने शेलार यांनी या सर्व व्यक्तींना किमान पंधरा दिवस पुरेल इतके किराणा साहित्य दिले आहे. तसेच चहा, न्याहरीची व्यवस्था सेवा फाउंडेशनमार्फत करण्यात येत आहे.
कोट
त्र्यंबकेश्वर शहरात गरजू व्यक्तींची माहिती मिळताच मदत केली जात आहे. त्यासोबत मुक्या प्राण्यांना देखील चारा पुरविला जात आहे. स्थानिक नागरिक आणि शहरातील युवकांचेही सहकार्य मिळत आहे.
-स्वप्नील शेलार, अध्यक्ष सेवा फाउंडेशन