'नो हॉकिंग'ची आज स्पर्धा
म. टा. प्रतिनिधी, नाशिक
शहरी भागात वाढणाऱ्या ध्वनी प्रदूषणाचा परिणाम थेट मानवी जीवनावर होत आहे. यात वाहनांचे हॉर्न भार घालीत असून, ध्वनी प्रदूषणबाबत जनजागृतीसाठी प्रादेशिक परिवहन विभागाने सोमवारी (दि. ५) सकाळी 'नो हॉकिंग' स्पर्धेचे आयोजन केले आहे. यात २०० दुचाकी आणि चारचाकी वाहनचालक सहभागी होणार आहेत.
नाशिक पोलिस आयुक्तालयाने मागील वर्षापासून 'नो हॉकिंग डे' सुरू केला. दर सोमवारी याबाबत जनजागृती करण्यात येते. शहर पोलिसांच्या या कार्यक्रमाची दखल राज्य सरकारने घेत, असा प्रयोग राज्यभर राबवण्याचे आदेश दिले. याच पार्श्वभूमीवर प्रादेशिक परिवहन विभागाने स्पर्धेची कल्पना पुढे आणली आहे. प्रादेशिक परिवहन विभागाच्या कार्यालयापासून सकाळी नऊ वाजता स्पर्धेस सुरुवात होईल. पोलिस आयुक्त डॉ. रवींद्रकुमार सिंगल यांच्या हस्ते तर प्रादेशिक परिवहन अधिकारी भरत कळसकर यांच्या उपस्थितीत स्पर्धेस प्रारंभ होईल.
स्पर्धेबाबत कळसकर यांनी सांगितले, की प्रथम येणाऱ्यास प्राधान्य या तत्त्वावर विभागाच्या अटी, नियमांची पूर्तता करणाऱ्या जवळपास २०० वाहनधारकांनी स्पर्धेत सहभाग नोंदवला आहे. स्पर्धेसाठी कोणतेही शुल्क नसून तिची सुरुवात आणि समारोप प्रादेशिक परिवहन कार्यालयात होईल. स्पर्धेसाठी हेल्मेट, सीटबेल्टचा वापर बंधनकारक राहणार आहे. ध्वनिप्रदूषण टाळण्यासाठी शहरात प्रथमच या स्वरूपाची स्पर्धा होत आहे.
वर्दळीच्या रस्त्यांचे आव्हान
आरटीओ कार्यालयातून बाहेर पडलेल्या स्पर्धकांना १५ किलोमीटरचे अंतर पार करायचे आहे. पेठफाटा (भक्तीधाम) येथून डाव्याकडे वळून निमाणी, पंचवटी कारंजा, रेड क्रॉस सिग्नल, शालिमार, सीबीएस, शरणपूररोड, गंगापूररोड (डोंगरे वसतिगृह), अशोकस्तंभ, रामवाडी पूल, मखमलाबाद नाका, पेठा फाटा आणि पुन्हा आरटीओ कार्यालय असा स्पर्धेचा मार्ग असेल. वाहतुकीचे सर्व नियम पाळीत स्पर्धकांना हे अंतर कापावे लागणार आहे.
प्रत्येक गटातून तीन विजेते
स्पर्धेत परिवहन अधिकारी, कर्मचारी तसेच मोटार ड्रायव्हिंग स्कूलचे प्रतिनिधी नियंत्रक म्हणून काम पाहतील. स्पर्धेदरम्यान किती वेळा हॉर्न वाजविला, नियम मोडले याची नोंद ठेवली जाईल. त्याआधारे दुचाकी, चारचाकी गटातून प्रथम तीन क्रमांक निवडले जाणार आहेत. विजेत्यांना रोख पारितोषिक तर सहभागी स्पर्धकांना 'नो हॉर्न'चे चिन्ह असलेली टोपी आणि स्टिकर भेट देण्यात येईल.
म. टा. प्रतिनिधी, नाशिक
शहरी भागात वाढणाऱ्या ध्वनी प्रदूषणाचा परिणाम थेट मानवी जीवनावर होत आहे. यात वाहनांचे हॉर्न भार घालीत असून, ध्वनी प्रदूषणबाबत जनजागृतीसाठी प्रादेशिक परिवहन विभागाने सोमवारी (दि. ५) सकाळी 'नो हॉकिंग' स्पर्धेचे आयोजन केले आहे. यात २०० दुचाकी आणि चारचाकी वाहनचालक सहभागी होणार आहेत.
नाशिक पोलिस आयुक्तालयाने मागील वर्षापासून 'नो हॉकिंग डे' सुरू केला. दर सोमवारी याबाबत जनजागृती करण्यात येते. शहर पोलिसांच्या या कार्यक्रमाची दखल राज्य सरकारने घेत, असा प्रयोग राज्यभर राबवण्याचे आदेश दिले. याच पार्श्वभूमीवर प्रादेशिक परिवहन विभागाने स्पर्धेची कल्पना पुढे आणली आहे. प्रादेशिक परिवहन विभागाच्या कार्यालयापासून सकाळी नऊ वाजता स्पर्धेस सुरुवात होईल. पोलिस आयुक्त डॉ. रवींद्रकुमार सिंगल यांच्या हस्ते तर प्रादेशिक परिवहन अधिकारी भरत कळसकर यांच्या उपस्थितीत स्पर्धेस प्रारंभ होईल.
स्पर्धेबाबत कळसकर यांनी सांगितले, की प्रथम येणाऱ्यास प्राधान्य या तत्त्वावर विभागाच्या अटी, नियमांची पूर्तता करणाऱ्या जवळपास २०० वाहनधारकांनी स्पर्धेत सहभाग नोंदवला आहे. स्पर्धेसाठी कोणतेही शुल्क नसून तिची सुरुवात आणि समारोप प्रादेशिक परिवहन कार्यालयात होईल. स्पर्धेसाठी हेल्मेट, सीटबेल्टचा वापर बंधनकारक राहणार आहे. ध्वनिप्रदूषण टाळण्यासाठी शहरात प्रथमच या स्वरूपाची स्पर्धा होत आहे.
वर्दळीच्या रस्त्यांचे आव्हान
आरटीओ कार्यालयातून बाहेर पडलेल्या स्पर्धकांना १५ किलोमीटरचे अंतर पार करायचे आहे. पेठफाटा (भक्तीधाम) येथून डाव्याकडे वळून निमाणी, पंचवटी कारंजा, रेड क्रॉस सिग्नल, शालिमार, सीबीएस, शरणपूररोड, गंगापूररोड (डोंगरे वसतिगृह), अशोकस्तंभ, रामवाडी पूल, मखमलाबाद नाका, पेठा फाटा आणि पुन्हा आरटीओ कार्यालय असा स्पर्धेचा मार्ग असेल. वाहतुकीचे सर्व नियम पाळीत स्पर्धकांना हे अंतर कापावे लागणार आहे.
प्रत्येक गटातून तीन विजेते
स्पर्धेत परिवहन अधिकारी, कर्मचारी तसेच मोटार ड्रायव्हिंग स्कूलचे प्रतिनिधी नियंत्रक म्हणून काम पाहतील. स्पर्धेदरम्यान किती वेळा हॉर्न वाजविला, नियम मोडले याची नोंद ठेवली जाईल. त्याआधारे दुचाकी, चारचाकी गटातून प्रथम तीन क्रमांक निवडले जाणार आहेत. विजेत्यांना रोख पारितोषिक तर सहभागी स्पर्धकांना 'नो हॉर्न'चे चिन्ह असलेली टोपी आणि स्टिकर भेट देण्यात येईल.