म. टा. प्रतिनिधी, नाशिक : नाशिक शहर पोलिस आयुक्तालयातील वरिष्ठ निरीक्षकांसह दुय्यम निरीक्षकांची तातडीने बदली करण्यात आली आहे. प्रशासकीय निकड लक्षात घेता निरीक्षकांची अदलाबदल केल्याचे आयुक्तालयाने आदेशात नमूद केले आहे. या बदलीनुसार सातपूर आणि अंबडमध्ये नवीन निरीक्षक नियुक्त झाले आहेत, तर पंचवटी, नाशिकरोड आणि सायबरच्या वरिष्ठ निरीक्षकांचीही बदली करण्यात आली आहे.
नाशिकमध्ये गुन्हेगारी नियंत्रणासह प्रशासकीय कारणास्तव अकरा पोलिस निरीक्षकांच्या बदल्यांचे आदेश आयुक्त अंकुश शिंदे यांनी सोमवारी सायंकाळी काढले आहेत. आर्थिक गुन्हे शाखेतील दुय्यम निरीक्षक अशोक शरमाळे यांच्यासह नियंत्रण कक्षातील उपनिरीक्षक अपेक्षा जाधव यांना चुंचाळे पोलिस चौकीत नियुक्त केले आहे. या सर्व अधिकाऱ्यांनी तातडीने नवीन ठिकाणी रुजू होण्याचे आदेश पोलिस आयुक्तांनी दिले आहेत.
सातपूरला नवे ‘पीआय’
सातपूर पोलिस ठाण्याचे तत्कालीन पोलिस निरीक्षक महेंद्र चव्हाण यांची काही दिवसांपूर्वी विशेष शाखेत बदली करण्यात आली होती. मात्र, गोळीबाराच्या घटनेमुळे तपासकामी चव्हाण यांना तातडीने सातपूर निरीक्षकपदी पुन्हा नियुक्त करण्यात आले. तोपर्यंत एका सहाय्यक निरीक्षकांकडे प्रभारी पदाची सूत्रे होती. मात्र, चव्हाण यांच्याकडील प्रभारी पदाची जबाबदारी पुन्हा काढून घेण्यात आली आहेत. उपनगरचे दुय्यम निरीक्षक पंकज भालेराव यांना आता सातपूर पोलिस ठाण्याच्या वरिष्ठ निरीक्षकपदाची जबाबदारी देण्यात आली आहे.
कुणाची कुठे बदली?
नाशिकरोडचे वरिष्ठ निरीक्षक अनिल शिंदे- पंचवटी
पंचवटीचे निरीक्षक डॉ. सीताराम कोल्हे- सायबर
सायबरचे निरीक्षक सूरज बिजली-अंबड
अंबडचे निरीक्षक युवराज पतकी-मुंबई नाका
इंदिरानगरचे संजय बांबळे- विशेष शाखा
अभियोग कक्षाचे निरीक्षक पवन चौधरी-नाशिकरोड दुय्यम निरीक्षक
नाशिकरोडचे दुय्यम निरीक्षक गणेश न्याहदे- इंदिरानगर
इंदिरानगरचे दुय्यम निरीक्षक देविदास वांजळे-नाशिकरोड पोलिस ठाण्याचे प्रभारी
नाशिकमध्ये गुन्हेगारी नियंत्रणासह प्रशासकीय कारणास्तव अकरा पोलिस निरीक्षकांच्या बदल्यांचे आदेश आयुक्त अंकुश शिंदे यांनी सोमवारी सायंकाळी काढले आहेत. आर्थिक गुन्हे शाखेतील दुय्यम निरीक्षक अशोक शरमाळे यांच्यासह नियंत्रण कक्षातील उपनिरीक्षक अपेक्षा जाधव यांना चुंचाळे पोलिस चौकीत नियुक्त केले आहे. या सर्व अधिकाऱ्यांनी तातडीने नवीन ठिकाणी रुजू होण्याचे आदेश पोलिस आयुक्तांनी दिले आहेत.
सातपूरला नवे ‘पीआय’
सातपूर पोलिस ठाण्याचे तत्कालीन पोलिस निरीक्षक महेंद्र चव्हाण यांची काही दिवसांपूर्वी विशेष शाखेत बदली करण्यात आली होती. मात्र, गोळीबाराच्या घटनेमुळे तपासकामी चव्हाण यांना तातडीने सातपूर निरीक्षकपदी पुन्हा नियुक्त करण्यात आले. तोपर्यंत एका सहाय्यक निरीक्षकांकडे प्रभारी पदाची सूत्रे होती. मात्र, चव्हाण यांच्याकडील प्रभारी पदाची जबाबदारी पुन्हा काढून घेण्यात आली आहेत. उपनगरचे दुय्यम निरीक्षक पंकज भालेराव यांना आता सातपूर पोलिस ठाण्याच्या वरिष्ठ निरीक्षकपदाची जबाबदारी देण्यात आली आहे.
कुणाची कुठे बदली?
नाशिकरोडचे वरिष्ठ निरीक्षक अनिल शिंदे- पंचवटी
पंचवटीचे निरीक्षक डॉ. सीताराम कोल्हे- सायबर
सायबरचे निरीक्षक सूरज बिजली-अंबड
अंबडचे निरीक्षक युवराज पतकी-मुंबई नाका
इंदिरानगरचे संजय बांबळे- विशेष शाखा
अभियोग कक्षाचे निरीक्षक पवन चौधरी-नाशिकरोड दुय्यम निरीक्षक
नाशिकरोडचे दुय्यम निरीक्षक गणेश न्याहदे- इंदिरानगर
इंदिरानगरचे दुय्यम निरीक्षक देविदास वांजळे-नाशिकरोड पोलिस ठाण्याचे प्रभारी