नाशिकरोड : गोरेवाडीतील शास्त्रीनगर येथे शनिवारी रात्री अडीच वाजेच्या सुमारास दोन दुचाकी जाळण्याची घटना उघडकीस आली. या प्रकारानंतर संजय शिवबालाक राम (वय ३३) यांनी नाशिकरोड पोलिस ठाण्यात अज्ञात व्यक्तिंविरोधात फिर्याद दिली आहे. या दोन्ही दुचाकी फिर्यादीच्या घराच्या भिंतीलगत उभ्या होत्या व या भिंतीच्या खिडकीलगतच फिर्यादी संजय राम झोपलेले होते. त्यांना वेळीच जाग आली नसती तर कदाचित आगीची व्याप्ती वाढून मोठा अनर्थही घडला असता. दोन्ही दुचाकींना आग लागल्याचे त्यांना लक्षात आल्यानंतर घरातील इतरांना जागे करून पाणी टाकून दुचाकी विझवण्याचा प्रयत्न केला, मात्र तोपर्यंत दुचाकी खाक झाल्या होत्या.
गोरेवाडीत जाळल्या दोन दुचाकी
गोरेवाडीतील शास्त्रीनगर येथे शनिवारी रात्री अडीच वाजेच्या सुमारास दोन दुचाकी जाळण्याची घटना उघडकीस आली...
Maharashtra Times 10 Jul 2018, 4:00 am