म. टा. वृत्तसेवा, पंचवटी
अल्पवयीन मुलीवर तब्बल सहा वर्षे बलात्कार प्रकरणी गुन्हा दाखल करण्यात आलेल्या आठ जणांपैकी संगीता उर्फ मंगला वामन सकट (वय ४८, रा. गांधीधाम देवळाली गाव, नाशिकरोड) व नंदा विजय जाधव (वय ४०, रा. जनार्दन नगर, नांदूरनाका, औरंगाबादरोड) या दोन महिलांना पोलिसांनी अटक केली आहे. त्यांना न्यायालयासमोर हजर केली असता त्यांना (दि. २६) सप्टेंबरपर्यंत पोलिस कोठडी सुनावली.
पीडिता सहा वर्षापूर्वी २०१२ मध्ये १२ वर्षांची असताना नांदूरनाक्याजवळील जनार्दननगर येथे राहत होती. शेजारी राहणारी मैत्रीण गौरी हिची आई नंदा जाधव हिने पीडितेला जेवणात गुंगीचे औषध खाऊ घातले. त्यानंतर रिक्षात बसवून संशयित मंगला सकट हिच्याकडे सोडून दिली. मंगलाने या पीडितेला महिनाभर खोलीत कोंडून ठेवले. त्यानंतर मंगलाची मुलगी पूजा ही प्रसूत झाल्यावर तिच्याकडे तिला पाठविले. त्यानंतर पीडितेला संशयित संगीता, राजू व संजय यांच्यासोबत दिल्ली व उत्तर प्रदेशातील रातोडा या गावात पाठविले. तिचे संजय याच्याशी लग्न लावून देण्यात आले. या अल्पवयीन मुलीवर सहा वर्षे बलात्कार झाल्याची तक्रार दाखल करण्यात आली आहे.
पीडिता २२ ऑगस्टला नांदूरनाका येथील जनार्दननगरमध्ये तिचा पती संजय सोबत आली. संजय तिला सोडून निघून गेला. मुलगी हरविल्याची तक्रार तिच्या आईने सहा वर्षापूर्वी आडगाव पोलिस स्टेशनला दिली होती. या तक्रारीनंतर तिची तपास लागला नव्हता. परतल्यानंतर तिने घडलेले प्रकार पोलिसांना सांगितले. तिच्या तक्रारीनुसार, आठ जणांविरोधात बाल लैंगिक अत्याचार विरोधी कायद्यार्तंगत गुन्हा दाखल करण्यात आला. या प्रकरणातील गुंतागुंत अजूनही उलगडली नाही. त्यातील सर्व संशयीतांना ताब्यात घेतल्यानंतर खरा प्रकार समोर येऊ शकेल, असे पोलिसांनी सांगितले. त्यातील दोन संशयित महिलांना अटक करण्यात आली आहे. पोलिस उपनिरीक्षक देवरे तपास करीत आहेत.
अल्पवयीन मुलीवर तब्बल सहा वर्षे बलात्कार प्रकरणी गुन्हा दाखल करण्यात आलेल्या आठ जणांपैकी संगीता उर्फ मंगला वामन सकट (वय ४८, रा. गांधीधाम देवळाली गाव, नाशिकरोड) व नंदा विजय जाधव (वय ४०, रा. जनार्दन नगर, नांदूरनाका, औरंगाबादरोड) या दोन महिलांना पोलिसांनी अटक केली आहे. त्यांना न्यायालयासमोर हजर केली असता त्यांना (दि. २६) सप्टेंबरपर्यंत पोलिस कोठडी सुनावली.
पीडिता सहा वर्षापूर्वी २०१२ मध्ये १२ वर्षांची असताना नांदूरनाक्याजवळील जनार्दननगर येथे राहत होती. शेजारी राहणारी मैत्रीण गौरी हिची आई नंदा जाधव हिने पीडितेला जेवणात गुंगीचे औषध खाऊ घातले. त्यानंतर रिक्षात बसवून संशयित मंगला सकट हिच्याकडे सोडून दिली. मंगलाने या पीडितेला महिनाभर खोलीत कोंडून ठेवले. त्यानंतर मंगलाची मुलगी पूजा ही प्रसूत झाल्यावर तिच्याकडे तिला पाठविले. त्यानंतर पीडितेला संशयित संगीता, राजू व संजय यांच्यासोबत दिल्ली व उत्तर प्रदेशातील रातोडा या गावात पाठविले. तिचे संजय याच्याशी लग्न लावून देण्यात आले. या अल्पवयीन मुलीवर सहा वर्षे बलात्कार झाल्याची तक्रार दाखल करण्यात आली आहे.
पीडिता २२ ऑगस्टला नांदूरनाका येथील जनार्दननगरमध्ये तिचा पती संजय सोबत आली. संजय तिला सोडून निघून गेला. मुलगी हरविल्याची तक्रार तिच्या आईने सहा वर्षापूर्वी आडगाव पोलिस स्टेशनला दिली होती. या तक्रारीनंतर तिची तपास लागला नव्हता. परतल्यानंतर तिने घडलेले प्रकार पोलिसांना सांगितले. तिच्या तक्रारीनुसार, आठ जणांविरोधात बाल लैंगिक अत्याचार विरोधी कायद्यार्तंगत गुन्हा दाखल करण्यात आला. या प्रकरणातील गुंतागुंत अजूनही उलगडली नाही. त्यातील सर्व संशयीतांना ताब्यात घेतल्यानंतर खरा प्रकार समोर येऊ शकेल, असे पोलिसांनी सांगितले. त्यातील दोन संशयित महिलांना अटक करण्यात आली आहे. पोलिस उपनिरीक्षक देवरे तपास करीत आहेत.