मगदूम यांना पुरस्कार
नाशिक : वसंतराव मगदूम यांना ग्रहांकित जीवन गौरव पुरस्कार जाहीर झाला आहे. ज्योतिष क्षेत्रातील उल्लेखनीय कामगिरीबद्दल हा पुरस्कार जाहीर झाला आहे. पुणे येथे होणाऱ्या दोन दिवसीय अखिल भारतीय ज्योतिष अधिवेशनात या पुरस्काराचे वितरण होईल. बुधवारी (२२ ऑगस्ट) रोजी अधिवेशनाचे अध्यक्ष डॉ. एच. एस. रावत यांच्या हस्ते पुरस्कार प्रदान करण्यात येईल.
मंगळवारी वृक्षारोपण
नाशिक : महिंद्रा अँड महिंद्रा आणि इगतपुरी सिटीझन फोरम यांच्यातर्फे इगतपुरी जवळील भावली धरण परिसरात पाच लाख रोपांची लागवड होणार आहे. या उपक्रमाच्या पहिल्या टप्प्यात मंगळवारी (१४ ऑगस्ट) रोजी पंधरा हजार रोपांची लागवड करण्यात येणार आहे. यावेळी राज्य पर्यटन मंत्री राजकुमार रावल, जिल्हाधिकारी बी. राधाकृष्णन उपस्थित राहणार आहे. या उपक्रमात नाशिककरांनीही सहभावी व्हावे, असे आवाहन फोरमतर्फे करण्यात आले आहे.