अ‍ॅपशहर

बिटको चौकात वाहनकोंडी

नाशिकरोड उड्डाणपुलाखालील रस्त्यातच वाहनचालक वाहने उभी करत असल्याने वाहतुकीची कोंडी होत आहे. दोन दिवसांपूर्वी एका खासगी बसच्या चालकाने भररस्त्यात बस उभी करून भाजी खरेदी केल्याने वाहनांच्या रांगा लागल्या होत्या. ही समस्या आता वाढत असल्याने त्यावर उपाय करून ही वाहनकोंडी सोडविण्याची मागणी परिसरातील नागरिकांनी केली आहे.

Maharashtra Times 13 Aug 2017, 4:00 am
नाशिकरोड उड्डाणपुलाखालील अनधिकृत थांब्याने वाहतुकीस अडथळा
महाराष्ट्र टाइम्स.कॉम under nashik road flyover traffic jam issue at nashik
बिटको चौकात वाहनकोंडी


म. टा. वृत्तसेवा, नाशिकरोड

नाशिकरोड उड्डाणपुलाखालील रस्त्यातच वाहनचालक वाहने उभी करत असल्याने वाहतुकीची कोंडी होत आहे. दोन दिवसांपूर्वी एका खासगी बसच्या चालकाने भररस्त्यात बस उभी करून भाजी खरेदी केल्याने वाहनांच्या रांगा लागल्या होत्या. ही समस्या आता वाढत असल्याने त्यावर उपाय करून ही वाहनकोंडी सोडविण्याची मागणी परिसरातील नागरिकांनी केली आहे.

नाशिकरोडचा बिटको चौक कायम वाहतुकीने गजबजलेला असतो. येथे रिक्षा, फेरीवाले आणि व्यावसायिकांच्या दुकानांपुढे पार्किंग केलेल्या वाहनांमुळे वाहतूक कोंडी होत असते. बिटको चौकाच्या सर्व दिशांना रिक्षाचालक बेशिस्तपणे उभे असतात. त्यामुळे नाशिक, जेलरोड, देवळालीगाव किंवा सिन्नरफाटा येथे वळणे अवघड जाते. दोन वर्षांपूर्वी याठिकाणी काही चारचाकी वाहनचालकांवर कारवाई झाली होती. तसेच वाहने पार्किंगसाठी लाईनही मारण्यात आली होती. मात्र आता त्यावर अंमलबजावणी होताना दिसत नसल्याने ही समस्या निर्माण झाली आहे. गेल्या कित्येक दिवसांपासून ही समस्या कायम असल्याने तिला तातडीने मार्गी लावण्याची मागणी होत आहे.


भाजीबाजाराने समस्या

सावरकर उड्डाणपुलाखाली सुमारे तीनशे भाजी व फळ विक्रेते आहेत. याठिकाणी ताजा भाजीपाला मिळत असल्याने परिसरातील नागरिक मोठी गर्दी करतात. त्यांची वाहने रस्त्याच्या दुतर्फा लावलेली असतात. त्यामुळे वाहतूक कोंडीत भर पडते. काही ग्राहक थेट भाजी बाजारातच दुचाकी घालतात. या बाजाराला संरक्षक लोखंडी कठडे अनेक ठिकाणी तोडण्यात आले आहेत. त्यामुळे भाजीबाजारात वाहन घेऊन आलेले ग्राहक अचानक महामार्गावर येतात. तसेच पायी आलेले ग्राहकही चुकीच्या ठिकाणाहून रस्ता ओलांडतात त्यामुळेही वाहतूक खोळंबते. याचा त्रास वाहनचालकांना तसेच पायी चालणाऱ्यांनाही होत असतो.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज