प्लास्टिकचा वापर अंगाशी...
नाशिकरोड येथील महापालिका विभागीय कार्यालयाच्या पथकाकडून मंगळवारी सायंकाळी नाशिकरोडसह जेलरोड, लामरोड भागातील दुकानदार व हॉटेल व्यावसायिकांकडून प्लास्टिकचा वापर करताना आढळल्यावरून, तसेच कचरा विलगीकरण न केल्याने २६ हजार ५०० रुपयांची दंडवसुली करण्यात आली. आठ किलोंहून अधिक प्लास्टिकही जप्त करण्यात आले. विभागीय स्वच्छता निरीक्षक संजय गोसावी, निरीक्षक विजय जाधव, व्यवस्थापक जनार्दन घंटे आदींनी ही कारवाई केली. ही कारवाई सुरूच राहणार असल्याचे या पथकाने सांगितले.