कॉलेज क्लब रिपोर्टर
संदीप फाउंडेशन शिक्षण संस्थेचा स्थापना दिन (१० एप्रिल) उत्साहात साजरा झाला. यानिमित्त संदीप फाउंडेशन संचलित कॉलेजेसमध्ये विविध उपक्रमांचे आयोजन करण्यात आले होते.
संदीप इन्स्टिट्यूट ऑफ फार्मास्यूटीकल सायन्समध्ये महिला आरोग्य तपासणी शिबिराचे आयोजन करण्यात आले होते. स्त्रीरोगतज्ज्ञ डॉ. अश्विनी पाटील आणि डॉ. मनप्रीत छाब्रा यांच्या हस्ते फीत कापून शिबिरास सुरुवात करण्यात आली. स्त्रीरोग तज्ज्ञांनी कॉलेजमधील विद्यार्थिनी, प्राध्यापिका, महिला कर्मचारी यांची आरोग्य तपासणी करीत त्यांना मार्गदर्शन केले. विद्यार्थिनी, प्राध्यापिका यांचा या शिबिरास उस्फूर्त प्रतिसाद लाभला. यावेळी प्राचार्य डॉ. अनिल जाधव, विभागप्रमुख डॉ. सुशील नारखेडे, प्रा. सुनीता अहिरे आणि प्राध्यापक उपस्थित होते.
संदीप इन्स्टिट्यूट ऑफ टेक्नोलॉजी अॅण्ड रिसर्च सेंटरमध्ये विद्यार्थी, प्राध्यापक आणि कर्मचाऱ्यांसाठी नेत्र
तपासणी शिबिराचे आयोजन करण्यात आले होते. संस्थेच्या आणि बिर्ला आय हॉस्पिटल यांच्या सहकार्याने हे शिबिर आयोजित केले होते. प्राचार्य डॉ. संजय गंधे, पुणे विद्यापीठाचे बी. ओ. एस डॉ. आर. एम. वाघमारे
आणि बिर्ला आय हॉस्पिटलचे डॉ. अनंत भदाणे यांच्या हस्ते शिबिराचे उद्घाटन झाले. कॉलेजमधील
विद्यार्थी, प्राध्यापक आणि कर्मचाऱ्यांनी या शिबिराचा लाभ घेतला.