arvind.jadhav@timesgroup.com
नाशिक ः यंदा जानेवारी ते जून महिन्याच्या मध्यापर्यंत चोरट्यांनी शहरातील तब्बल १० ट्रकांवर हात साफ केला. नाशिकमध्ये पहिल्यादांच असा ट्रेंड समोर आला असून, एवढ्या मोठ्या वाहनांची चोरी करणारा एकही चोरटा अद्याप सापडलेला नाही, तर रातोरात चोरी जाणाऱ्या मोठ्या ट्रकच्या गुन्ह्याबाबत पोलिसांच्या मनातसुद्धा संदेह आहे. या वाहनांची खरोखर चोरी होते की ते स्क्रॅप करून नंतर चोरीची तक्रार दिली जाते, याचाही तपास सध्या पोलिस करीत आहेत.
शहर परिसरातून जूनच्या मध्यापर्यंत सर्व प्रकारच्या २६७ वाहनांची चोरी झाली होती. यात ३० चारचाकी व तीनचाकी वाहनांचा समावेश आहे. सरासरी १० दुचाकींमागे एका मोठ्या वाहनाची चोरी होत असल्याचे दिसते. चोरी झालेल्या ३० वाहनांमध्ये आठ ट्रक, तसेच दोन डम्परचा समावेश आहे. या व्यतिरिक्त दोन टेम्पोंवरही चोरट्यांनी हात साफ केला आहे. दरम्यान, शहरातील ट्रक रातोरात गायब होण्यामागचे कोडे पोलिसांना पडले आहे. ट्रक आणि दुचाकीच्या चोरीमध्ये फरक आहे.
का सापडत नाहीत ट्रकचोर?
अनेकदा जुन्या झालेल्या ट्रक स्क्रॅप केल्या जातात. यातून मालकास चार पैसे मिळतात. ट्रकचा इन्शुरन्स असेल तर मालक थेट चोरीची तक्रार घेऊन पोलिस स्टेशन गाठतात. ट्रकचे काय झाले, याचा तपास गुन्हा दाखल झाल्यानंतर होतो. त्यामुळे दाखल झालेल्या गुन्ह्याच्या आधारे मालकास इन्शुरन्स कंपनीकडे दावा करता येतो, असे मत काही पोलिस अधिकाऱ्यांनी व्यक्त केले. विशेषतः डिझेल वाहनांवर हळूहळू येत असलेल्या कालमर्यादेमुळे असे प्रकार वाढीस लागू शकतात, अशी शंकाही पोलिसांना आहे. दरम्यान, चोरी गेलेल्या ट्रकचा कोणताही तपास लागू शकलेला नाही.
खोटी तक्रार असल्यास कारवाई
पोलिस उपायुक्त लक्ष्मीकांत पाटील यांनी सांगितले, की स्क्रॅप झालेल्या वाहनांची चोरी झाल्याची फिर्याद देण्याच्या घटना सर्वत्र आढळतात. शहरात गेल्या चार ते पाच महिन्यांत चोरीला गेलेल्या ट्रकसह सर्वच वाहनांचा कसोशीने शोध सुरू आहे. ट्रकचोरीच्या घटनांबाबत सर्व बाबी तपासल्या जात आहेत. त्यात स्क्रॅप केलेल्या वाहनांच्या चोरीची फिर्याद दिलेल्याचा प्रकार आढळून आला तर निश्चितच संबंधितांवर कठोर कारवाई करण्यात येईल.
पोलिस स्टेशननिहाय वाहनचोरीच्या तक्रारी (आकडे वाहनसंख्येचे)
सरकारवाडा ः ३७ पंचवटी ः ४० भद्रकाली ः २५ गंगापूर ः २७ आडगाव ः १५ सातपूर ः ११ अंबड ः २२ देवळाली कॅम्प ः ०२ नाशिकरोड ः २९ उपनगर ः २५ इंदिरानगर ः ११ मुंबई नाका ः ११ म्हसरूळ ः १२
चोरी गेलेली मोठी वाहने
कार ः १३ पीकअप ः ०२ रिक्षा ः ०२ ट्रक ः १० टेम्पो ः ०२ ट्रॅक्टर ः ०१ एकूण ः ३०
नाशिक ः यंदा जानेवारी ते जून महिन्याच्या मध्यापर्यंत चोरट्यांनी शहरातील तब्बल १० ट्रकांवर हात साफ केला. नाशिकमध्ये पहिल्यादांच असा ट्रेंड समोर आला असून, एवढ्या मोठ्या वाहनांची चोरी करणारा एकही चोरटा अद्याप सापडलेला नाही, तर रातोरात चोरी जाणाऱ्या मोठ्या ट्रकच्या गुन्ह्याबाबत पोलिसांच्या मनातसुद्धा संदेह आहे. या वाहनांची खरोखर चोरी होते की ते स्क्रॅप करून नंतर चोरीची तक्रार दिली जाते, याचाही तपास सध्या पोलिस करीत आहेत.
शहर परिसरातून जूनच्या मध्यापर्यंत सर्व प्रकारच्या २६७ वाहनांची चोरी झाली होती. यात ३० चारचाकी व तीनचाकी वाहनांचा समावेश आहे. सरासरी १० दुचाकींमागे एका मोठ्या वाहनाची चोरी होत असल्याचे दिसते. चोरी झालेल्या ३० वाहनांमध्ये आठ ट्रक, तसेच दोन डम्परचा समावेश आहे. या व्यतिरिक्त दोन टेम्पोंवरही चोरट्यांनी हात साफ केला आहे. दरम्यान, शहरातील ट्रक रातोरात गायब होण्यामागचे कोडे पोलिसांना पडले आहे. ट्रक आणि दुचाकीच्या चोरीमध्ये फरक आहे.
का सापडत नाहीत ट्रकचोर?
अनेकदा जुन्या झालेल्या ट्रक स्क्रॅप केल्या जातात. यातून मालकास चार पैसे मिळतात. ट्रकचा इन्शुरन्स असेल तर मालक थेट चोरीची तक्रार घेऊन पोलिस स्टेशन गाठतात. ट्रकचे काय झाले, याचा तपास गुन्हा दाखल झाल्यानंतर होतो. त्यामुळे दाखल झालेल्या गुन्ह्याच्या आधारे मालकास इन्शुरन्स कंपनीकडे दावा करता येतो, असे मत काही पोलिस अधिकाऱ्यांनी व्यक्त केले. विशेषतः डिझेल वाहनांवर हळूहळू येत असलेल्या कालमर्यादेमुळे असे प्रकार वाढीस लागू शकतात, अशी शंकाही पोलिसांना आहे. दरम्यान, चोरी गेलेल्या ट्रकचा कोणताही तपास लागू शकलेला नाही.
खोटी तक्रार असल्यास कारवाई
पोलिस उपायुक्त लक्ष्मीकांत पाटील यांनी सांगितले, की स्क्रॅप झालेल्या वाहनांची चोरी झाल्याची फिर्याद देण्याच्या घटना सर्वत्र आढळतात. शहरात गेल्या चार ते पाच महिन्यांत चोरीला गेलेल्या ट्रकसह सर्वच वाहनांचा कसोशीने शोध सुरू आहे. ट्रकचोरीच्या घटनांबाबत सर्व बाबी तपासल्या जात आहेत. त्यात स्क्रॅप केलेल्या वाहनांच्या चोरीची फिर्याद दिलेल्याचा प्रकार आढळून आला तर निश्चितच संबंधितांवर कठोर कारवाई करण्यात येईल.
पोलिस स्टेशननिहाय वाहनचोरीच्या तक्रारी (आकडे वाहनसंख्येचे)
सरकारवाडा ः ३७ पंचवटी ः ४० भद्रकाली ः २५ गंगापूर ः २७ आडगाव ः १५ सातपूर ः ११ अंबड ः २२ देवळाली कॅम्प ः ०२ नाशिकरोड ः २९ उपनगर ः २५ इंदिरानगर ः ११ मुंबई नाका ः ११ म्हसरूळ ः १२
चोरी गेलेली मोठी वाहने
कार ः १३ पीकअप ः ०२ रिक्षा ः ०२ ट्रक ः १० टेम्पो ः ०२ ट्रॅक्टर ः ०१ एकूण ः ३०