रामकुंड परिसरात बेशिस्तीचे दर्शन
म. टा. वृत्तसेवा, पंचवटी
भाविकांच्या गर्दीने कायम गजबजलेल्या रामकुंड परिसरात वाहने पार्क करू नये, असे फलक लावण्यात आलेले असताना नेमक्या त्याच फलकांच्या खाली वाहने पार्क केले जात आहेत. या बेशिस्तीचे दर्शन परराज्यातील तसेच विदेशातील भाविकांना आणि पर्यटकांना घडत आहे.
वाहनांसाठी गोदाघाटावर जागा असतानाही थेट रामकुंड परिसरात वाहने आणून तेथे पार्क करण्याचे प्रमाण वाढल्यामुळे येथे कायम कोंडी होत आहे. रामकुंडावरील चौथऱ्यासमोर, स्वच्छ विभागाच्या कार्यालयाजवळ, पांडे मिठाईजवळ नो पार्किंगचे फलक लावण्यात आले असून त्याच्या २०० मीटर आसपास वाहने पार्क करू नये, असे स्पष्ट लिहिले असताना त्याच फलकाच्या खाली वाहने पार्क केली जातात. या वाहनांमुळे रामकुंडावर सकाळी अस्थीविसर्जन, दशक्रिया विधी, श्राद्धविधीसाठी येणाऱ्या भाविकांना अडचण निर्माण होते. वाहतुकीचे नियम पाळले जात नसल्यामुळे येथे वाहनांची कोंडी तर होते, शिवाय भाविकांना येथून पायी मार्ग काढणे मुश्किल होते.
फलकाखालीच वाहनांची रांग
रामकुंडावरील चौथऱ्यासमोरच्या भागातून रामकुंडाकडे जाण्यासाठी पायऱ्या आहेत. या भागातून भाविकांना आणि पर्यंटकांना ये-जा करण्यासाठी जागा आहे. याच जागेवर वाहने पार्क केल्यामुळे येथून जाण्यास अडचणी येतात. रामकुंडावर येण्यासाठी मालेगाव स्टॅण्ड, पंचवटी वाचनालय, पुरिया मार्ग, गंगाघाट मार्ग हे मार्ग आहेत. या मार्गाने वाहनांची ये-जा सुरू असते. वाचनालयाकडून येणाऱ्या मार्गावर स्वच्छता निरीक्षकांच्या कार्यालयासमोरच फलकाखालीच वाहनांची रांग लागलेली असते. तर पांडे मिठाईच्यासमोर जुना फलक असून, त्याच्यावर गंज चढला आहे. मात्र, येथील पार्किंग काही हटली नाही तर तेथे आता रिक्षांच्या थांबा झाला आहे.
शिस्त लावल्यास कोंडी सुटणार
वस्त्रांतरगृहाच्या समोरच्या भागात वाहनांना प्रवेश बंदी करण्यात आलेली आहे, असे असतानाही येथे दुचाकी आणि रिक्षा यांची सर्रास ये-जा सुरू असते. गोदाकाठावर रामकुंड पार्किंग, भाजीबाजाराची जागा, म्हसोबा पटांगण, गौरी पटांगण या भागात पार्किंगसाठी सध्या मुबलक जागा आहे. बाहेरगावाहून येणारी वाहने पार्किंगच्या जागेवर थांबविली जातात. मात्र, शहरातील वाहने विशेषतः दुचाकी, चारचाकी आणि रिक्षा यांचाच रामकुंड परिसराच्या भागात जास्त वावर असतो. या वाहनांना शिस्त लावल्यास येथील कोंडी सुटण्यास मदत होईल.
म. टा. वृत्तसेवा, पंचवटी
भाविकांच्या गर्दीने कायम गजबजलेल्या रामकुंड परिसरात वाहने पार्क करू नये, असे फलक लावण्यात आलेले असताना नेमक्या त्याच फलकांच्या खाली वाहने पार्क केले जात आहेत. या बेशिस्तीचे दर्शन परराज्यातील तसेच विदेशातील भाविकांना आणि पर्यटकांना घडत आहे.
वाहनांसाठी गोदाघाटावर जागा असतानाही थेट रामकुंड परिसरात वाहने आणून तेथे पार्क करण्याचे प्रमाण वाढल्यामुळे येथे कायम कोंडी होत आहे. रामकुंडावरील चौथऱ्यासमोर, स्वच्छ विभागाच्या कार्यालयाजवळ, पांडे मिठाईजवळ नो पार्किंगचे फलक लावण्यात आले असून त्याच्या २०० मीटर आसपास वाहने पार्क करू नये, असे स्पष्ट लिहिले असताना त्याच फलकाच्या खाली वाहने पार्क केली जातात. या वाहनांमुळे रामकुंडावर सकाळी अस्थीविसर्जन, दशक्रिया विधी, श्राद्धविधीसाठी येणाऱ्या भाविकांना अडचण निर्माण होते. वाहतुकीचे नियम पाळले जात नसल्यामुळे येथे वाहनांची कोंडी तर होते, शिवाय भाविकांना येथून पायी मार्ग काढणे मुश्किल होते.
फलकाखालीच वाहनांची रांग
रामकुंडावरील चौथऱ्यासमोरच्या भागातून रामकुंडाकडे जाण्यासाठी पायऱ्या आहेत. या भागातून भाविकांना आणि पर्यंटकांना ये-जा करण्यासाठी जागा आहे. याच जागेवर वाहने पार्क केल्यामुळे येथून जाण्यास अडचणी येतात. रामकुंडावर येण्यासाठी मालेगाव स्टॅण्ड, पंचवटी वाचनालय, पुरिया मार्ग, गंगाघाट मार्ग हे मार्ग आहेत. या मार्गाने वाहनांची ये-जा सुरू असते. वाचनालयाकडून येणाऱ्या मार्गावर स्वच्छता निरीक्षकांच्या कार्यालयासमोरच फलकाखालीच वाहनांची रांग लागलेली असते. तर पांडे मिठाईच्यासमोर जुना फलक असून, त्याच्यावर गंज चढला आहे. मात्र, येथील पार्किंग काही हटली नाही तर तेथे आता रिक्षांच्या थांबा झाला आहे.
शिस्त लावल्यास कोंडी सुटणार
वस्त्रांतरगृहाच्या समोरच्या भागात वाहनांना प्रवेश बंदी करण्यात आलेली आहे, असे असतानाही येथे दुचाकी आणि रिक्षा यांची सर्रास ये-जा सुरू असते. गोदाकाठावर रामकुंड पार्किंग, भाजीबाजाराची जागा, म्हसोबा पटांगण, गौरी पटांगण या भागात पार्किंगसाठी सध्या मुबलक जागा आहे. बाहेरगावाहून येणारी वाहने पार्किंगच्या जागेवर थांबविली जातात. मात्र, शहरातील वाहने विशेषतः दुचाकी, चारचाकी आणि रिक्षा यांचाच रामकुंड परिसराच्या भागात जास्त वावर असतो. या वाहनांना शिस्त लावल्यास येथील कोंडी सुटण्यास मदत होईल.