विखे पाटलांच्या हस्ते
आज होणार ध्वजवंदन
नाशिक : स्वातंत्र्य दिनाच्या ७२ व्या वर्धापन दिनानिमित्त गुरुवारी (दि. १५) नाशिकरोड येथील विभागीय आयुक्त कार्यालयात सकाळी नऊ वाजता ध्वजवंदन करण्यात येणार आहे. दरवर्षी पालकमंत्र्यांच्या हस्ते ध्वजवंदन होते. परंतु, राज्याचे गृहनिर्माणमंत्री पदाची शपथ घेतल्यानंतर राधाकृष्ण विखे यांना प्रथमच ध्वजवंदनाचा बहुमान देण्यात आला आहे. कार्यक्रमास विभागीय आयुक्त राजाराम माने, जिल्हाधिकारी सूरज मांढरे, पोलिस आयुक्त विश्वास नांगरे पाटील, पोलिस अधीक्षक डॉ. आरतीसिंह आदींसह प्रशासकीय अधिकारी उपस्थित राहणार आहेत.