म. टा. वृत्तसेवा, निफाड
शहराच्या उत्तरेला असलेल्या विनता नदी पात्रातून रात्री बेसुमार वाळूउपसा सुरू आहे. महसूल यंत्रणेचे या अवैध उत्खननाकडे ‘अर्थपूर्ण’ दुर्लक्ष असल्याची चर्चा आहे. या अवैध उत्खननामुळे परिसरातील शेतीसाठी असलेल्या पाइपलाइन उघड्या पडल्या आहेत.
निफाड येथे विणता नदीपात्र सध्या कोरडेठाक पडले आहे. या पात्रातून गेल्या अनेक दिवसांपासून अवैध वाळू उपसा सुरू आहे. वाळू उपशामुळे नदीपात्रात अनेक ठिकाणी मोठमोठे खड्डे तयार झाले आहेत. वाळू उपसा इतक्या मोठ्या प्रमाणात झाला आहे की, या नदीपात्रातून पासआउट केलेल्या शेतीपंपाच्या पाइपलाइन उघड्या पडल्याने शेतकरी हवालदिल झाले आहेत.
या नदीपात्रातून दररोज रात्री बारा वाजेनंतर १० ते १२ ट्रॅक्टर वाळू उपसा होत असल्याचे या भागातील शेतकऱ्यांनी सांगितले. विशेष म्हणजे वाळू उपसा होत असताना महसूलच्या अनेक अधिकाऱ्यांना शेतकऱ्यांनी फोन केले. परंतु त्यांनी त्याकडे डोळेझाक केली आहे. निफाड परिसरात कुंदेवाडी, रौळस या गावांजवळून वाहणाऱ्या कादवा नदीतूनही बेसुमार वाळू उपसा सुरू आहे.
...म्हणून अधिकारी धास्तावले
गेल्या आठवड्यात ओझर येथे वाळू वाहतूक करणाऱ्या टोळीने तलाठी व कोतवाल यांना मारहाण केल्याने महसूल यंत्रणा कार्यवाही करण्यासाठी धजावत नाही. या दहशतीचा परिणाम अवैध वाळू उपसा विरोधात कारवाई करण्यावर झाला आहे. आणि महसूलचे वरिष्ठ अधिकारीही कारवाई करण्यासाठी टाळाटाळ करीत आहे.
शहराच्या उत्तरेला असलेल्या विनता नदी पात्रातून रात्री बेसुमार वाळूउपसा सुरू आहे. महसूल यंत्रणेचे या अवैध उत्खननाकडे ‘अर्थपूर्ण’ दुर्लक्ष असल्याची चर्चा आहे. या अवैध उत्खननामुळे परिसरातील शेतीसाठी असलेल्या पाइपलाइन उघड्या पडल्या आहेत.
निफाड येथे विणता नदीपात्र सध्या कोरडेठाक पडले आहे. या पात्रातून गेल्या अनेक दिवसांपासून अवैध वाळू उपसा सुरू आहे. वाळू उपशामुळे नदीपात्रात अनेक ठिकाणी मोठमोठे खड्डे तयार झाले आहेत. वाळू उपसा इतक्या मोठ्या प्रमाणात झाला आहे की, या नदीपात्रातून पासआउट केलेल्या शेतीपंपाच्या पाइपलाइन उघड्या पडल्याने शेतकरी हवालदिल झाले आहेत.
या नदीपात्रातून दररोज रात्री बारा वाजेनंतर १० ते १२ ट्रॅक्टर वाळू उपसा होत असल्याचे या भागातील शेतकऱ्यांनी सांगितले. विशेष म्हणजे वाळू उपसा होत असताना महसूलच्या अनेक अधिकाऱ्यांना शेतकऱ्यांनी फोन केले. परंतु त्यांनी त्याकडे डोळेझाक केली आहे. निफाड परिसरात कुंदेवाडी, रौळस या गावांजवळून वाहणाऱ्या कादवा नदीतूनही बेसुमार वाळू उपसा सुरू आहे.
...म्हणून अधिकारी धास्तावले
गेल्या आठवड्यात ओझर येथे वाळू वाहतूक करणाऱ्या टोळीने तलाठी व कोतवाल यांना मारहाण केल्याने महसूल यंत्रणा कार्यवाही करण्यासाठी धजावत नाही. या दहशतीचा परिणाम अवैध वाळू उपसा विरोधात कारवाई करण्यावर झाला आहे. आणि महसूलचे वरिष्ठ अधिकारीही कारवाई करण्यासाठी टाळाटाळ करीत आहे.