मालेगाव : धार्मिक व जातीय दंगली, बॉम्बस्फोटचा इतिहास असलेल्या मालेगाव शहराला संवेदनशील शहर अशी प्रतिमा जोडली गेली. मात्र गेल्या दशकभरात येथील हिंदू-मुस्लिम बांधवांनी सद्भावना कायम राखून ही प्रतिमा बदलण्याचा प्रयत्न केला आहे. रविवारी (दि. १५) देखील संगमेश्वर मशिद कमिटीच्यावतीने मशिद परिचय हा अभिनव कार्यक्रम आयोजित करून मुस्लिमेतर नागरिकांमध्ये मशिदबाबत असलेले अज्ञान दूर करण्याचा प्रयत्न करण्यात आला. या कार्यक्रमास शेकडो नागरिक उपस्थित होते. मशिद काय असते हे अन्य धर्मीय लोकांना समजून घेता यावे यासाठी येथील संगमेश्वर मशिद कमिटीने हा उपक्रम राबविला. यावेळी वजू व मशिद प्रवेश या विषयी जावेद इंजिनिअर यांनी माहिती दिली. अजान विषयी आसिफ इकबाल यांनी माहिती दिली. तर नमाज विषयी मंजूर अहमद (धुळे) यांनी माहिती दिली. या उपक्रमास शहरातील राजेंद्र भोसले, सुभाष परदेशी (तावू), हरिप्रसाद गुप्ता, विवेक वारुळे, नरेंद्र सोनवणे, सुरेश गवळी, राजाराम जाधव, पोलीस उपअधिक्षक मंगेश चव्हाण यांच्यासह अनेक मान्यवर, नागरिक, विद्यार्थी यांनी उपस्थिती लावली.
मालेगाव शहरातसलोख्याचे दर्शन
धार्मिक व जातीय दंगली, बॉम्बस्फोटचा इतिहास असलेल्या मालेगाव शहराला संवेदनशील शहर अशी प्रतिमा जोडली गेली...
महाराष्ट्र टाइम्स.कॉम 16 Dec 2019, 4:00 am