दोन नगरसेवकांच्या आडमुठेपणामुळे अडले काम
म. टा. वृत्तसेवा, सातपूर
कामगार वस्ती असलेल्या सातपूर कॉलनी भागात गेल्या काही वर्षांत लोकवस्ती झपाट्याने वाढली आहे. यासाठी पाण्याची कमतरता भासत असल्याने गेल्या सहा महिन्यांपासून मंजूर असलेल्या पाण्याच्या टाकीचे काम नगरसेवकांच्या श्रेयवाद व आडमुठेपणामुळे अडकले आहे. मंजूर पाण्याच्या टाकीला जागाच उपलब्ध होत नसल्याने ती बांधणार कुठे? असा प्रश्न महापालिकेच्या बांधकाम विभागाला पडला आहे.
मनसेचे संस्थापक राज ठाकरे यांच्या मराठी बाणाला सातपूरकरांनी साथ देत तब्बल सहा नगरसेवकांना महापालिकेत जाण्याची संधी दिली होती. परंतु, निवडून आल्यावर मनसे नगरसेवकांमध्येच तू तू मै मै मतदारांना पहायला मिळाली होती. यानंतर गेल्या वर्षभरापासून मनसेतून बाहेर पडणाऱ्या नगरसेवकांची संख्या झपाट्याने वाढली आहे. यात सातपूर कॉलनीतील प्रभाग १९ च्या नगरसेविका उषा शेळके यांनी शिवसेनेत प्रवेश केला आहे. दरम्यान विकासकामांवरून नेहमीच नगरसेविका शेळके व स्थायी समिती सभापती सलिम शेख यांच्यामुळे अधिकाऱ्यांना त्रास सहन करावा लागत आहे. सातपूर कॉलनीच्या वाढत्या लोकसंख्येत पाण्याच्या नवीन टाकीला मंजुरी मिळाली आहे. त्यातच जिजामाता शाळेच्या शेजारी असलेली पाण्याची टाकीही धोकादायक झाली आहे. यामुळ तत्काळ नवीन पाण्याची टाकी असावी, यासाठी महापालिकेने निधीही उपलब्ध करून दिला आहे. परंतु, दोन नगरसेवकांच्या श्रेयवादात पाण्याच्या टाकीचे काम अडकून पडले आहे. स्थायी समिती सभापती शेख यांनी शनिवारी सातपूर कॉलनीत असलेल्या शिवनेरी उद्यानाच्या बाजूला पाण्याच्या टाकीचे भूमिपूजन केले. परंतु, याला नगरसेविका शेळके यांनी विरोध दर्शवत रहिवाशांनी या ठिकाणी टाकी बांधू नये असल्याचे सांगितले. यामुळे दोन नगरसेवकांच्या वादात पाण्याची टाकी उभारावी कुठे? असा प्रश्न बांधकाम विभागाला पडला आहे. दोन नगरसेवकांच्या वादात मात्र नागरिक भरडले जात आहेत.
जागा दोन ठिकाणी, मार्ग काढणार कोण?
पाण्याच्या टाकीसाठी शिवनेरी उद्यान, जिजामाता शाळेच्या मैदानाचा कोपरा या दोनच ठिकाणी जागा उपलब्ध आहे. यात शिवनेरी उद्यानात नगरसेविका शेळके यांचा विरोध आहे. तर, जिजामाता शाळेच्या मैदानाच्या कोपऱ्यावर नामदेव शिंपी सभागृह सांभाळणाऱ्या सदस्यांचा विरोध होत असतो. यामुळे दोन नगरसेवकांनी यातून मार्ग काढावा, असे मत महापालिका अधिकाऱ्यांकडून व्यक्त होत आहे.
म. टा. वृत्तसेवा, सातपूर
कामगार वस्ती असलेल्या सातपूर कॉलनी भागात गेल्या काही वर्षांत लोकवस्ती झपाट्याने वाढली आहे. यासाठी पाण्याची कमतरता भासत असल्याने गेल्या सहा महिन्यांपासून मंजूर असलेल्या पाण्याच्या टाकीचे काम नगरसेवकांच्या श्रेयवाद व आडमुठेपणामुळे अडकले आहे. मंजूर पाण्याच्या टाकीला जागाच उपलब्ध होत नसल्याने ती बांधणार कुठे? असा प्रश्न महापालिकेच्या बांधकाम विभागाला पडला आहे.
मनसेचे संस्थापक राज ठाकरे यांच्या मराठी बाणाला सातपूरकरांनी साथ देत तब्बल सहा नगरसेवकांना महापालिकेत जाण्याची संधी दिली होती. परंतु, निवडून आल्यावर मनसे नगरसेवकांमध्येच तू तू मै मै मतदारांना पहायला मिळाली होती. यानंतर गेल्या वर्षभरापासून मनसेतून बाहेर पडणाऱ्या नगरसेवकांची संख्या झपाट्याने वाढली आहे. यात सातपूर कॉलनीतील प्रभाग १९ च्या नगरसेविका उषा शेळके यांनी शिवसेनेत प्रवेश केला आहे. दरम्यान विकासकामांवरून नेहमीच नगरसेविका शेळके व स्थायी समिती सभापती सलिम शेख यांच्यामुळे अधिकाऱ्यांना त्रास सहन करावा लागत आहे. सातपूर कॉलनीच्या वाढत्या लोकसंख्येत पाण्याच्या नवीन टाकीला मंजुरी मिळाली आहे. त्यातच जिजामाता शाळेच्या शेजारी असलेली पाण्याची टाकीही धोकादायक झाली आहे. यामुळ तत्काळ नवीन पाण्याची टाकी असावी, यासाठी महापालिकेने निधीही उपलब्ध करून दिला आहे. परंतु, दोन नगरसेवकांच्या श्रेयवादात पाण्याच्या टाकीचे काम अडकून पडले आहे. स्थायी समिती सभापती शेख यांनी शनिवारी सातपूर कॉलनीत असलेल्या शिवनेरी उद्यानाच्या बाजूला पाण्याच्या टाकीचे भूमिपूजन केले. परंतु, याला नगरसेविका शेळके यांनी विरोध दर्शवत रहिवाशांनी या ठिकाणी टाकी बांधू नये असल्याचे सांगितले. यामुळे दोन नगरसेवकांच्या वादात पाण्याची टाकी उभारावी कुठे? असा प्रश्न बांधकाम विभागाला पडला आहे. दोन नगरसेवकांच्या वादात मात्र नागरिक भरडले जात आहेत.
जागा दोन ठिकाणी, मार्ग काढणार कोण?
पाण्याच्या टाकीसाठी शिवनेरी उद्यान, जिजामाता शाळेच्या मैदानाचा कोपरा या दोनच ठिकाणी जागा उपलब्ध आहे. यात शिवनेरी उद्यानात नगरसेविका शेळके यांचा विरोध आहे. तर, जिजामाता शाळेच्या मैदानाच्या कोपऱ्यावर नामदेव शिंपी सभागृह सांभाळणाऱ्या सदस्यांचा विरोध होत असतो. यामुळे दोन नगरसेवकांनी यातून मार्ग काढावा, असे मत महापालिका अधिकाऱ्यांकडून व्यक्त होत आहे.