नाशिकच्या पिंपळगावमध्ये कांदा सगळ्यात महाग का? वाचा सविस्तर

नाशिक : सध्या देशातील सर्वात मोठा कांदा उत्पादक जिल्हा नाशिकच्या पिंपळगाव मार्केटमध्ये (Pimpalgaon Onion Market)कांद्याचे दर सर्वाधिक आहेत. जर तुम्ही गेल्या एक-दोन महिन्यांची किंमत पाहिली तर तुम्हाला कल्पना येईल. आज १८ ऑक्टोबर रोजी कांद्याची किमान आणि कमाल किंमत येथे सर्वाधिक राहिली. पण प्रश्न असा आहे की हे का घडते? असे काहीतरी असले पाहिजे ज्यामुळे हे घडेल.

महाराष्ट्र कांडा उत्पादक संस्थेचे संस्थापक अध्यक्ष भरत दिघोळे यांनी दिलेल्या माहितीनुसार, या बाजाराच्या आजूबाजूच्या भागात महाराष्ट्राचा उत्तम दर्जाचा कांदा तयार होतो. या परिसराचे वातावरण आणि मातीच काहीशी खास आहे. इथे कांद्याची आवक चांगली आहे पण किंमत जास्त आहे. लोक चांगल्या प्रतीचे कांदे खरेदी करतात आणि त्यांचा वापर कांद्याचे बियाणे तयार करण्यासाठी करतात.

इथे कुठून येतो कांदा ?

दिघोळे यांनी दिलेल्या माहितीनुसार, चांदवड, देवळा, कळवण, बागलाण, पेठ आणि सुरगाणा या भागातील सर्वोत्तम कांदा नाशिकच्या पिंपळगाव येथील बसवंत मार्केटमध्ये लिलावासाठी येतात. चांगला कांदा असेल तर किंमतही जास्त असते. त्याच्या चांगल्या गुणवत्तेमुळे अनेक लोक बियाणे तयार करण्यासाठी हा कांदा घेतात. बियाण्यांची किंमत २००० ते ५००० रुपये प्रति किलो आहे.
दुकाने, हॉटेलांची वेळ वाढवली; 'या' आहेत राज्य सरकारच्या सूचना
या महिन्यात २ ऑक्टोबर रोजी आशियाची सर्वात मोठी बाजारपेठ लासलगाव येथे कांद्याची किमान किंमत (Onion Price) १००० रुपये, मॉडेल किंमत २९७० आणि कमाल ३१०१ रुपये प्रति क्विंटल होती. तर त्याच दिवशी पिंपळगाव मंडीमध्ये किमान दर १५०० रुपये, मॉडेल किंमत २८५० रुपये आणि कमाल दर ३७५३ रुपये प्रति क्विंटल होता. तर काल १८ ऑक्टोबरला लासलगाव मंडीमध्ये कांद्याची किमान किंमत ९०० रुपये, मॉडेल किंमत ३१०० आणि कमाल किंमत ३६३९ रुपये प्रति क्विंटल होती. तर पिंपळगावात किमान किंमत १७०० रुपये, मॉडेल किंमत ३३५१ आणि कमाल ४००१ रुपये होती.

'या' जिल्ह्यांमध्ये पिकतो चांगला कांदा...

देशाच्या एकूण कांद्याच्या उत्पादनात महाराष्ट्राचा वाटा सुमारे ४० टक्के आहे. महाराष्ट्रातील नाशिक, सोलापूर, पुणे, अहमदनगर आणि धुळे जिल्ह्यात याची सर्वाधिक लागवड केली जाते. आशियातील सर्वात मोठी बाजारपेठ नाशिकच्या लासलगाव येथे आहे. महाराष्ट्राच्या एकूण कांद्याच्या उत्पादनापैकी ६५ टक्के रब्बी हंगामातच केले जाते.