म. टा. खास प्रतिनिधी, नाशिक
आदिवासी विकास विभागाचे नूतन आयुक्त हिरालाल सोनवणे यांनी शनिवारी (दि. १९) मावळते आयुक्त किरण कुलकर्णी यांच्याकडून पदभार स्वीकारला. राज्य सरकारने कुलकर्णी यांची शुक्रवारी आदिवासी विकास विभागाच्या आयुक्तपदावरून बदली करत सोनावणे यांची आयुक्त म्हणून नियुक्ती केली. आदिवासींच्या विकासाला चालना देत तळागाळातील आदिवासी समाजाला न्याय मिळवून देण्यासाठी प्रयत्न करणार असल्याचे सोनावणे यांनी यावेळी सांगितले.
राज्य सरकारकडून सध्या घाऊक बदल्यांचा मौसम सुरू असून प्रशासकीय खांदेपालट मोठ्या प्रमाणावर केले जात आहे. विशेषत: भाजपच्या काळात महत्त्वाच्या पदांवरील अधिकाऱ्यांच्या बदल्या केल्या जात आहेत. किरण कुलकर्णी यांनी गेले दोन वर्ष आदिवासी विभागात वेगवेगळे उपक्रम राबविले. या उपक्रमांना चालना देण्याची वेळ आली असतांनाच, सरकारने त्यांची बदली करीत ठाणे जिल्हा परिषदेच्या 'सीईओ'पदी असलेले सोनावणे यांची आदिवासी विभागात आयुक्तपदी नियुक्ती केली. सोनावणे यांनी शनिवारी सुटी असली तरी, सकाळी मावळते आयुक्त कुलकर्णी यांच्याकडून पदभार स्वीकारत कामकाजाला सुरुवात केली.
आदिवासींबाबत मंत्रालयात निर्णय घेतले जात असले तरी राज्यभरात त्याची अंमलबजावणी करण्याचे काम आयुक्तालयातून केले जाते. आदिवासी विभाग हा आदिवासींच्या विकासाऐवजी खरेद्यांमधील भ्रष्टाचारामुळे जास्त गाजतो. त्यामुळे विभागातील भ्रष्टाचाराची परंपरा मोडीत काढण्यासह आदिवासींच्या विकासाला चालना देण्याचे आव्हान सोनावणे यांच्यासमोर आहे. आदिवासींसाठी राबविण्यात आलेल्या साडेतीनशे कोटींच्या कायापालट योजनेतील भ्रष्टाचार खोदून काढत, त्यातील दोषींवर कारवाईचेही मोठे आव्हान त्यांच्यासमोर असणार आहे.
आदिवासी विकास विभागाचे नूतन आयुक्त हिरालाल सोनवणे यांनी शनिवारी (दि. १९) मावळते आयुक्त किरण कुलकर्णी यांच्याकडून पदभार स्वीकारला. राज्य सरकारने कुलकर्णी यांची शुक्रवारी आदिवासी विकास विभागाच्या आयुक्तपदावरून बदली करत सोनावणे यांची आयुक्त म्हणून नियुक्ती केली. आदिवासींच्या विकासाला चालना देत तळागाळातील आदिवासी समाजाला न्याय मिळवून देण्यासाठी प्रयत्न करणार असल्याचे सोनावणे यांनी यावेळी सांगितले.
राज्य सरकारकडून सध्या घाऊक बदल्यांचा मौसम सुरू असून प्रशासकीय खांदेपालट मोठ्या प्रमाणावर केले जात आहे. विशेषत: भाजपच्या काळात महत्त्वाच्या पदांवरील अधिकाऱ्यांच्या बदल्या केल्या जात आहेत. किरण कुलकर्णी यांनी गेले दोन वर्ष आदिवासी विभागात वेगवेगळे उपक्रम राबविले. या उपक्रमांना चालना देण्याची वेळ आली असतांनाच, सरकारने त्यांची बदली करीत ठाणे जिल्हा परिषदेच्या 'सीईओ'पदी असलेले सोनावणे यांची आदिवासी विभागात आयुक्तपदी नियुक्ती केली. सोनावणे यांनी शनिवारी सुटी असली तरी, सकाळी मावळते आयुक्त कुलकर्णी यांच्याकडून पदभार स्वीकारत कामकाजाला सुरुवात केली.
आदिवासींबाबत मंत्रालयात निर्णय घेतले जात असले तरी राज्यभरात त्याची अंमलबजावणी करण्याचे काम आयुक्तालयातून केले जाते. आदिवासी विभाग हा आदिवासींच्या विकासाऐवजी खरेद्यांमधील भ्रष्टाचारामुळे जास्त गाजतो. त्यामुळे विभागातील भ्रष्टाचाराची परंपरा मोडीत काढण्यासह आदिवासींच्या विकासाला चालना देण्याचे आव्हान सोनावणे यांच्यासमोर आहे. आदिवासींसाठी राबविण्यात आलेल्या साडेतीनशे कोटींच्या कायापालट योजनेतील भ्रष्टाचार खोदून काढत, त्यातील दोषींवर कारवाईचेही मोठे आव्हान त्यांच्यासमोर असणार आहे.