म. टा. खास प्रतिनिधी, नाशिक
राज्य सरकारने शहरात मंजूर केलेल्या शंभर खाटांच्या स्वतंत्र रुग्णालयाचा तिढा अद्याप सुटत नसल्याचे चित्र आहे. भाजपमधील दोन दिग्गज नेत्यांमधील ओढाताणीमुळे या रुग्णालयाच्या कामाला मुहूर्त लागला नसून, हा वाद आता सरकारकडे पाठविण्यात आला आहे. शंभर खाटांचे रुग्णालय हे टाकळी रस्त्यावर व्हावे असा ठराव महासभेने दिला असताना, आमदार प्रा. देवयानी फरांदे यांनी त्यावर आक्षेप घेतला आहे. आमदार फरांदे यांनी सुचवलेली जागा बदलण्यात आल्याने त्यांनी आक्षेप घेतला आहे. त्यामुळे प्रशासनानेही आता डोकेदुखी नको म्हणून जागेचा प्रश्न थेट सरकारकडे सोपवला आहे.
राज्य सरकारने नाशिकमध्ये महिलांसाठी स्वतंत्र शंभर खाटांचे रुग्णालय मंजूर केले आहे. आमदार फरांदे यांनी यासाठी पाठपुरावा करत हे रुग्णालय मंजूर केले आहे. यापूर्वी या रुग्णालयासाठी वडाळा येथील जागा निवडण्यात आली होती. मात्र, येथे विरोध झाल्यानंतर आमदार फरांदे यांनी दादासाहेब गायकवाड सभागृहाशेजारील रिकाम्या जागेचा प्रस्ताव दिला होता. तसा प्रस्तावही महासभेत सादर करण्यात आला होता. मात्र, भाजपचे प्रदेश उपाध्यक्ष वसंत गिते यांच्याकडून या जागेला विरोध करण्यात आला आहे. महासभेने परस्पर या जागेचा प्रस्ताव बदलून तो टाकळी रोडला करण्याचा ठराव केला आहे. तसा ठरावही प्रशासनाला प्राप्त झाला आहे. या नवीन जागेला आमदार फरांदे यांचा विरोध असून, रुग्णालय भाभानगरमध्येच व्हावे अशी त्यांची इच्छा आहे. या जागेवर फरांदे अडून बसल्याने प्रशासनाची गोची झाली आहे. त्यामुळे आयुक्तांनी महासभेचा ठराव व सध्याच्या परिस्थितीचा प्रस्ताव थेट सरकारला पाठवला आहे. जागेच्या वादासंदर्भातील काय तो निर्णय सरकारनेच घ्यावा, असा निर्णय प्रशासनाने घेतल्याने रुग्णालयाचा वाद आणखीच चिघळला आहे.
राज्य सरकारने शहरात मंजूर केलेल्या शंभर खाटांच्या स्वतंत्र रुग्णालयाचा तिढा अद्याप सुटत नसल्याचे चित्र आहे. भाजपमधील दोन दिग्गज नेत्यांमधील ओढाताणीमुळे या रुग्णालयाच्या कामाला मुहूर्त लागला नसून, हा वाद आता सरकारकडे पाठविण्यात आला आहे. शंभर खाटांचे रुग्णालय हे टाकळी रस्त्यावर व्हावे असा ठराव महासभेने दिला असताना, आमदार प्रा. देवयानी फरांदे यांनी त्यावर आक्षेप घेतला आहे. आमदार फरांदे यांनी सुचवलेली जागा बदलण्यात आल्याने त्यांनी आक्षेप घेतला आहे. त्यामुळे प्रशासनानेही आता डोकेदुखी नको म्हणून जागेचा प्रश्न थेट सरकारकडे सोपवला आहे.
राज्य सरकारने नाशिकमध्ये महिलांसाठी स्वतंत्र शंभर खाटांचे रुग्णालय मंजूर केले आहे. आमदार फरांदे यांनी यासाठी पाठपुरावा करत हे रुग्णालय मंजूर केले आहे. यापूर्वी या रुग्णालयासाठी वडाळा येथील जागा निवडण्यात आली होती. मात्र, येथे विरोध झाल्यानंतर आमदार फरांदे यांनी दादासाहेब गायकवाड सभागृहाशेजारील रिकाम्या जागेचा प्रस्ताव दिला होता. तसा प्रस्तावही महासभेत सादर करण्यात आला होता. मात्र, भाजपचे प्रदेश उपाध्यक्ष वसंत गिते यांच्याकडून या जागेला विरोध करण्यात आला आहे. महासभेने परस्पर या जागेचा प्रस्ताव बदलून तो टाकळी रोडला करण्याचा ठराव केला आहे. तसा ठरावही प्रशासनाला प्राप्त झाला आहे. या नवीन जागेला आमदार फरांदे यांचा विरोध असून, रुग्णालय भाभानगरमध्येच व्हावे अशी त्यांची इच्छा आहे. या जागेवर फरांदे अडून बसल्याने प्रशासनाची गोची झाली आहे. त्यामुळे आयुक्तांनी महासभेचा ठराव व सध्याच्या परिस्थितीचा प्रस्ताव थेट सरकारला पाठवला आहे. जागेच्या वादासंदर्भातील काय तो निर्णय सरकारनेच घ्यावा, असा निर्णय प्रशासनाने घेतल्याने रुग्णालयाचा वाद आणखीच चिघळला आहे.