म. टा. वृत्तसेवा, सिडको
सिडकोतील स्वामी विवेकानंदनगर भागात काही दिवसांपासून रात्री किंवा पहाटेच्या वेळी महिलांचे कपडे परिधान करून महिलांची छेडछाड करण्याचा प्रयत्न करणाऱ्या व्यक्तीमुळे परिसरातील महिला धास्तावल्या आहेत. त्यातच याबाबत तक्रार केल्यावर त्या व्यक्तीला पकडा आणि आमच्या ताब्यात द्या, असे पोलिसांनी सांगितल्याने महिलांनी संताप व्यक्त केला आहे.
सिडकोतील राणेनगरजवळील स्वामी विवेकानंद चौक परिसरात काही दिवसांपासून एक व्यक्ती काळ्या रंगाच्या फोर्ड कंपनीच्या चारचाकी वाहनातून थेट महिलांचे कपडे परिधान करून येते. महिलांची पाणी भरण्याची वेळ लक्षात घेऊन ही व्यक्ती धावपळीतील महिलांची छेडछाड करीत असल्याच्या तक्रारी आहेत. गुरुवारी सकाळच्या वेळेसही असा प्रकार झाल्याने महिलांमध्ये संतापाची लाट उसळली असून, ही व्यक्ती चारचाकीतून अश्विननगर व मोरवाडी गावाच्या दिशेने पसार झाल्याचे महिलांनी सांगितले. सीसीटीव्हीमध्ये हा प्रकार कैद झाला असून, या प्रकरणी परिसरातील महिलांनी पोलिस ठाण्यात तक्रार केली अाहे.
--
स्वामी विवेकानंदनगर परिसरात महिलांच्या वेशात येऊन छेडछाड करणाऱ्यावर कठोर कारवाई झाली पाहिजे. परिसरातील महिलांमध्ये घबराट निर्माण झाली असून, परिसरातील युवकांनी या व्यक्तीला पकडण्याचा चंगच बांधला आहे.
-सुमन सोनवणे, स्थानिक रहिवासी
त्याला पकडून आणा, असे पोलिसांनी नागरिकांना सांगितलेले नाही. पोलिस संबंधित व्यक्तीला पकडण्याच्या तयारीत आहेत. पहाटे साडेचार वाजेपासून सापळा रचण्यात आलेला होता. रहिवाशांना ही व्यक्ती आढळल्यास संपर्क साधावा.
-मधुकर कड, वरिष्ठ निरीक्षक, अंबड
सिडकोतील स्वामी विवेकानंदनगर भागात काही दिवसांपासून रात्री किंवा पहाटेच्या वेळी महिलांचे कपडे परिधान करून महिलांची छेडछाड करण्याचा प्रयत्न करणाऱ्या व्यक्तीमुळे परिसरातील महिला धास्तावल्या आहेत. त्यातच याबाबत तक्रार केल्यावर त्या व्यक्तीला पकडा आणि आमच्या ताब्यात द्या, असे पोलिसांनी सांगितल्याने महिलांनी संताप व्यक्त केला आहे.
सिडकोतील राणेनगरजवळील स्वामी विवेकानंद चौक परिसरात काही दिवसांपासून एक व्यक्ती काळ्या रंगाच्या फोर्ड कंपनीच्या चारचाकी वाहनातून थेट महिलांचे कपडे परिधान करून येते. महिलांची पाणी भरण्याची वेळ लक्षात घेऊन ही व्यक्ती धावपळीतील महिलांची छेडछाड करीत असल्याच्या तक्रारी आहेत. गुरुवारी सकाळच्या वेळेसही असा प्रकार झाल्याने महिलांमध्ये संतापाची लाट उसळली असून, ही व्यक्ती चारचाकीतून अश्विननगर व मोरवाडी गावाच्या दिशेने पसार झाल्याचे महिलांनी सांगितले. सीसीटीव्हीमध्ये हा प्रकार कैद झाला असून, या प्रकरणी परिसरातील महिलांनी पोलिस ठाण्यात तक्रार केली अाहे.
--
स्वामी विवेकानंदनगर परिसरात महिलांच्या वेशात येऊन छेडछाड करणाऱ्यावर कठोर कारवाई झाली पाहिजे. परिसरातील महिलांमध्ये घबराट निर्माण झाली असून, परिसरातील युवकांनी या व्यक्तीला पकडण्याचा चंगच बांधला आहे.
-सुमन सोनवणे, स्थानिक रहिवासी
त्याला पकडून आणा, असे पोलिसांनी नागरिकांना सांगितलेले नाही. पोलिस संबंधित व्यक्तीला पकडण्याच्या तयारीत आहेत. पहाटे साडेचार वाजेपासून सापळा रचण्यात आलेला होता. रहिवाशांना ही व्यक्ती आढळल्यास संपर्क साधावा.
-मधुकर कड, वरिष्ठ निरीक्षक, अंबड