राज्य सरकारच्या गणेशोत्सव सजावट स्पर्धेत यश
म. टा. वृत्तसेवा, येवला
राज्य सरकारच्या सांस्कृतिक व पर्यटन विभागाने लोकमान्य सार्वजनिक गणेशोत्सव अभियानांतर्गत गतवर्षी राज्यभर घेतलेल्या गणेशोत्सव सजावट स्पर्धेचे निकाल नुकतेच जाहीर झाले आहेत. ‘लेक वाचवा,लेक शिकवा’ चा संदेश देताना येवला शहरातील धोंडीराम वस्ताद तालीम संघ या स्पर्धेत येवला तालुकास्तरावर प्रथम क्रमांकाचे मानकरी ठरले आहेत. नाशिक येथील नियोजन भवनात गुरुवारी (दि. २०) अधिकाऱ्यांच्या हस्ते स्पर्धेचा पारितोषिक वितरण सोहळ्यात या मंडळास २५ हजार रुपये धनादेशासह सन्मानचिन्ह व प्रमाणपत्र देऊन गौरविण्यात आले.
महाराष्ट्राचा मानबिंदू समजल्या जाणाऱ्या कुस्तीसह क्रीडा क्षेत्रात आजवर नाशिक जिल्ह्याचा नावलौकिक उंचावतानाच विविध सामाजिक उपक्रमात अग्रेसर असलेल्या येवला शहरातील धोंडीराम वस्ताद तालीम संघाने या स्पर्धेत तालुकास्तरावर पहिला क्रमांक पटकावत बाजी मारली.
‘बेटी बचाव’चा सामाजिक संदेश
शेकडो वर्षांची परंपरा जोपासणाऱ्या धोंडीराम वस्ताद तालीम संघाने गतवर्षीच्या गणेशोत्सवात ‘आदर स्त्री शक्तीचा,जागर स्त्री शक्तीचा’ करत लक्षवेधी डिजीटल फ्लेक्सद्वारे समाजमनाला ‘बेटी बचाव,बेटी पढाओ’चा संदेश दिला होता. आजवर देशातील ज्या स्त्रियांनी विविध क्षेत्रात उंच भरारी घेतली अशा स्त्रियांच्या कार्यकर्तृत्वाची यशोगाथा मंडळाने फ्लेक्सद्वारे पुढे आणली होती. तालुकास्तरावरील दुसऱ्या क्रमांक जय विक्रांत फ्रेंड्स सर्कल, तर तिसरे फत्तेसिंग सेवाभावी प्रतिष्ठानला मिळाले.
मंडळाच्या आजवरच्या कार्याची दखल राज्य शासनाकडून घेतली गेली. प्रथम क्रमांकाचे पारितोषिकाने गौरविण्यात येताना मंडळाची पाठ थोपटली आहे.
- राजेंद्र लोणारी, धोंडीराम वस्ताद तालीम संघ, येवला
म. टा. वृत्तसेवा, येवला
राज्य सरकारच्या सांस्कृतिक व पर्यटन विभागाने लोकमान्य सार्वजनिक गणेशोत्सव अभियानांतर्गत गतवर्षी राज्यभर घेतलेल्या गणेशोत्सव सजावट स्पर्धेचे निकाल नुकतेच जाहीर झाले आहेत. ‘लेक वाचवा,लेक शिकवा’ चा संदेश देताना येवला शहरातील धोंडीराम वस्ताद तालीम संघ या स्पर्धेत येवला तालुकास्तरावर प्रथम क्रमांकाचे मानकरी ठरले आहेत. नाशिक येथील नियोजन भवनात गुरुवारी (दि. २०) अधिकाऱ्यांच्या हस्ते स्पर्धेचा पारितोषिक वितरण सोहळ्यात या मंडळास २५ हजार रुपये धनादेशासह सन्मानचिन्ह व प्रमाणपत्र देऊन गौरविण्यात आले.
महाराष्ट्राचा मानबिंदू समजल्या जाणाऱ्या कुस्तीसह क्रीडा क्षेत्रात आजवर नाशिक जिल्ह्याचा नावलौकिक उंचावतानाच विविध सामाजिक उपक्रमात अग्रेसर असलेल्या येवला शहरातील धोंडीराम वस्ताद तालीम संघाने या स्पर्धेत तालुकास्तरावर पहिला क्रमांक पटकावत बाजी मारली.
‘बेटी बचाव’चा सामाजिक संदेश
शेकडो वर्षांची परंपरा जोपासणाऱ्या धोंडीराम वस्ताद तालीम संघाने गतवर्षीच्या गणेशोत्सवात ‘आदर स्त्री शक्तीचा,जागर स्त्री शक्तीचा’ करत लक्षवेधी डिजीटल फ्लेक्सद्वारे समाजमनाला ‘बेटी बचाव,बेटी पढाओ’चा संदेश दिला होता. आजवर देशातील ज्या स्त्रियांनी विविध क्षेत्रात उंच भरारी घेतली अशा स्त्रियांच्या कार्यकर्तृत्वाची यशोगाथा मंडळाने फ्लेक्सद्वारे पुढे आणली होती. तालुकास्तरावरील दुसऱ्या क्रमांक जय विक्रांत फ्रेंड्स सर्कल, तर तिसरे फत्तेसिंग सेवाभावी प्रतिष्ठानला मिळाले.
मंडळाच्या आजवरच्या कार्याची दखल राज्य शासनाकडून घेतली गेली. प्रथम क्रमांकाचे पारितोषिकाने गौरविण्यात येताना मंडळाची पाठ थोपटली आहे.
- राजेंद्र लोणारी, धोंडीराम वस्ताद तालीम संघ, येवला