उत्तमनगर येथील अभिनव विद्यालयात जागतिक योगदिन साजरा करण्यात आला. विद्यार्थ्यांनी अधिक वेळ टी व्ही न पहाता योगा व प्राणायाम करून निरोगी व सुदृढ आरोग्यावर भर द्यावा असे आवाहन मराठा विद्या प्रसारक संस्थेचे संचालक नाना महाले यांनी केले. यावेळी माजी नगरसेवक दत्ता पाटील, विश्वनाथ दातीर, प्रतिभा पवार आदी उपस्थित होते. यावेळी शेकडो विद्यार्थ्यांसह शिक्षक आणि उपस्थित मान्यवरांनी योगासने केली.
----
नाशिकरोड कारागृह
नाशिकरोड मध्यवर्ती कारागृह येथे डॉ. निवेदिता पतंजली योग समितीच्या पाच सदस्यांनी अधिकाऱ्यांसह कैद्यांना योगासनांबाबत मार्गदर्शन केले. यावेळी कारागृह अधीक्षक अनुपकुमार कुमरे, वरिष्ट तुरुंगाधिकारी अशोक कारकर, पल्लवी कदम, संदीप सरपाते आदी उपस्थित होते. सुनिता मेंडके यांनी या योगवर्गाचे आयोजन केले. २५ महिला आणि १६० पुरूष कैदी या योगासन वर्गात सहभागी झाले.