पनवेल : पनवेल तालुक्यात महापालिका क्षेत्र आणि ग्रामीण भागात सोमवारी २१ करोनाबाधित रुग्ण समोर आले तर १९ जण करोनातून मुक्त होऊन घरी परतले. पनवेल ग्रामीण आणि पनवेल महापालिका क्षेत्रात एकूण ५१३ रुग्ण आढळले आहेत. तर, १३ रुग्णांचा मृत्यू झाला आहे.
पनवेल महापालिका क्षेत्रात सोमवारी १२ जणांना करोनाची लागण झाल्याचे समोर आले. कुटुंबातील व्यक्तींनी यापूर्वी झालेल्या करोनामुळे त्यांच्या कुटुंबातील सदस्यांना करोनाची बाधा झाली आहे तर नव्याने करोना झालेल्या नागरिकांचाही यामध्ये समावेश आहे. पनवेल महापालिका क्षेत्रात खारघर, कळंबोली, कामोठे, नवीन पनवेल येथील नागरिकांना करोनाची लागण झाली आहे. पनवेल महापालिका क्षेत्रातून १० रुग्ण बरे होऊन घरी परतले. तर, पनवेल तालुक्यातील ग्रामीण भागात सुकापूर, पालिदेवद, करंजाडे, उमरोली, करंजा आणि उरण तालुक्यातील पागोटे येथील नऊजणांना करोनाची लागण झाली. तर, सोमवारी नऊ रुग्ण पनवेल ग्रामीण भागात आढळले असले तरी नऊजण करोनातून मुक्त होऊन घरी परतले आहेत.