नवी मुंबई : नवी मुंबई महापालिका क्षेत्रातील करोनाग्रस्तांची संख्या दिवसेंदिवस वाढत असल्याने खबरदारीचा उपाय म्हणून १५ संवेदनशील ठिकाणे सील केली आहेत. रुग्णांची संख्या वाढत असताना नागरिक घराबाहेर पडत असल्याने ही खबरदारी महापालिकेने घेतली आहे. ज्या विभागात करोना पॉझिटिव्ह रुग्ण सापडले आहेत, ते विभाग सील केले असून तेथील सोसायटीच्या सदस्यांवर त्याची जबाबदारी सोपवली आहे. यामुळे नागरिक बाहेर पडताना दिसून येत नाहीत. नवी मुंबईमध्ये आतापर्यंत २५ करोनाग्रस्त आढळले आहेत. यात वाशीमध्ये सर्वात जास्त रुग्ण आढळले आहेत. त्यामुळे वाशी सेक्टर एक ते नऊ हा संपूर्ण परिसर सील करण्यात आला असून येथील सोसायटीमधून लोकांना बाहेर पडण्यास मनाई करण्यात आली आहे. त्याचप्रमाणे कोपरखैरणे येथे एक रुग्ण सापडला असून, सेक्टर १९, तसेच नेरुळमधील सेक्टर २७, २८, ३८, १०, १८ येथे सील करण्यात आले आहे. तिथे पोलिस बंदोबस्तही ठेवण्यात आला आहे.
नवी मुंबईत १५ ठिकाणे सील
नवी मुंबई महापालिका क्षेत्रातील करोनाग्रस्तांची संख्या दिवसेंदिवस वाढत असल्याने खबरदारीचा उपाय म्हणून १५ संवेदनशील ठिकाणे सील केली आहेत...
महाराष्ट्र टाइम्स.कॉम 5 Apr 2020, 4:00 am