म. टा. विशेष प्रतिनिधी, मुंबई
राज्य माध्यमिक व उच्च माध्यमिक शिक्षण मंडळाने नुकतेच दहावी व बारावीचे निकाल जाहीर केले आहेत. या निकालानंतर घेण्यात येणारी पुरवणी परीक्षा १७ जुलैपासून सुरू होणार आहे. या परीक्षेचे वेळापत्रक मंडळाच्या mahahsscboard.maharashtra.gov.in या वेबसाइटवर उपलब्ध करून देण्यात आले आहे.
दहावीची परीक्षा १७ जुलै ते २ ऑगस्ट या कालावधीत पार पडणार आहे. बारावीची परीक्षा १७ जुलै ते ४ ऑगस्ट आणि बारावी व्यवसाय अभ्यासक्रमांची परीक्षा १७ जुलै ते २ ऑगस्ट या कालावधीत पार पडणार आहे. वेबसाइटवर उपलब्ध करून देण्यात आलेले वेळापत्रक हे फक्त माहितीसाठी प्रसिद्ध करण्यात आले असून परीक्षेपूर्वी शाळांमध्ये छापील स्वरूपात दिलेले वेळापत्रक अंतिम राहील, असे मंडळाचे प्रभारी सचिव डॉ. अशोक भोसले यांनी स्पष्ट केले आहे. तसेच सोशल मीडियावर व्हायरल होणारे वेळापत्रक ग्राह्य धरू नये, असे आवाहनही त्यांनी केले आहे.
ट्रम्प भारतावर नाराज
वॉशिंग्टन ः आपल्या आक्रमक विधानांबाबत प्रसिद्ध असलेल्या अमेरिकेचे अध्यक्ष डोनाल्ड ट्रम्प यांनी आयातशुल्कावरून भारताला लक्ष्य केले आहे. अमेरिकी वस्तूंवर भारताकडून १०० टक्के आयातशुल्क अर्थात टारिफ आकारल्यास अमेरिकेला भारतासमवेत झालेल्या व्यापारी करारांचा पुनर्विचार करावा लागेल, असे धमकीवजा विधान ट्रम्प यांनी केले आहे.
या पगडीखाली दडलंय काय?