म. टा. वृत्तसेवा, ठाणे
अंधेरी न्यायालयाने फरारी घोषित केलेल्या आरोपीने ठाण्यातील एका ज्येष्ठ नागरिकाला चुना लावल्याची बाब समोर आली आहे. गाडी नावावर करून देण्यासाठी ज्येष्ठ नागरिकाने त्यांची गाडी आरोपीकडे सोपवली होती. आरोपीने गाडीची चोरी केली असून राबोडी पोलिस ठाण्यात गुन्हा दाखल करण्यात आला आहे.
कोलबाड भागात राहणारे विलास टिपणीस (७२) सेवानिवृत्त आहेत. त्यांनी विकत घेतलेली गाडी त्यांच्या नावावर करायची होती. त्यासाठी ओळखीचा नितीन मधुकर नेत्रावली हा ऑक्टोबरमध्ये घरी आला होता. त्यांनी गाडीची मूळ कागदपत्रे आणि गाडी त्याच्या ताब्यात दिली. अडीच लाख रुपये किमतीची ही कार आरोपीने आरटीओमधून नावावर करून दिली नाही. तसेच, मूळ पेपर आणि गाडीही परत केली नाही. याबाबत विचारणा करूनही तो टाळाटाळ करत होता. आरोपीचा ठावठिकाणाही माहीत नव्हता. त्यानंतर आरोपीचा फोन ‘नॉट रिचेबल’ झाला.
मंगळवारी टिपणीस घरी वर्तमानपत्राचे वाचन करत असताना अंधेरी न्यायालयाने केसमध्ये नेत्रावली याला फरार घोषित केल्याची माहिती होती. त्यामुळे टिपणीस यांनी पोलिसांकडे तक्रार दाखल केली.
अंधेरी न्यायालयाने फरारी घोषित केलेल्या आरोपीने ठाण्यातील एका ज्येष्ठ नागरिकाला चुना लावल्याची बाब समोर आली आहे. गाडी नावावर करून देण्यासाठी ज्येष्ठ नागरिकाने त्यांची गाडी आरोपीकडे सोपवली होती. आरोपीने गाडीची चोरी केली असून राबोडी पोलिस ठाण्यात गुन्हा दाखल करण्यात आला आहे.
कोलबाड भागात राहणारे विलास टिपणीस (७२) सेवानिवृत्त आहेत. त्यांनी विकत घेतलेली गाडी त्यांच्या नावावर करायची होती. त्यासाठी ओळखीचा नितीन मधुकर नेत्रावली हा ऑक्टोबरमध्ये घरी आला होता. त्यांनी गाडीची मूळ कागदपत्रे आणि गाडी त्याच्या ताब्यात दिली. अडीच लाख रुपये किमतीची ही कार आरोपीने आरटीओमधून नावावर करून दिली नाही. तसेच, मूळ पेपर आणि गाडीही परत केली नाही. याबाबत विचारणा करूनही तो टाळाटाळ करत होता. आरोपीचा ठावठिकाणाही माहीत नव्हता. त्यानंतर आरोपीचा फोन ‘नॉट रिचेबल’ झाला.
मंगळवारी टिपणीस घरी वर्तमानपत्राचे वाचन करत असताना अंधेरी न्यायालयाने केसमध्ये नेत्रावली याला फरार घोषित केल्याची माहिती होती. त्यामुळे टिपणीस यांनी पोलिसांकडे तक्रार दाखल केली.