मुंबई : बाळासाहेब ठाकरे राष्ट्रीय स्मारक सार्वजनिक न्यासाच्या अध्यक्षपदी शिवसेना नेते व पर्यटनमंत्री आदित्य ठाकरे यांची नियुक्ती करण्यात आली आहे. सामान्य प्रशासन विभागाने या संदर्भातील शासन निर्णय नुकताच प्रसिद्ध केला. मुख्यमंत्रिपदाची शपथ घेण्याआधी उद्धव ठाकरे यांनी २५ नोव्हेंबर २०१९ रोजी न्यासाच्या अध्यक्षपदाचा राजीनामा दिला होता. त्यांच्या राजीनाम्यामुळे रिक्त झालेल्या जागेवर आदित्य ठाकरे यांची वर्णी लागली आहे. न्यासाच्या सदस्य सचिवपदी उद्योगमंत्री सुभाष देसाई तर, सदस्य म्हणून शशिकांत प्रभू यांची नियुक्ती करण्यात आली आहे. बाळासाहेब ठाकरे यांच्या स्मृती जपण्यासाठी मुंबईतील महापौर निवासस्थानी हे भव्य स्मारक उभारण्यात येणार आहे. स्मारकासाठी शासकीय सार्वजनिक न्यास स्थापन करण्यात आला आहे.
अध्यक्षपदी आदित्य
बाळासाहेब ठाकरे राष्ट्रीय स्मारक सार्वजनिक न्यासाच्या अध्यक्षपदी शिवसेना नेते व पर्यटनमंत्री आदित्य ठाकरे यांची नियुक्ती करण्यात आली आहे...
महाराष्ट्र टाइम्स.कॉम 17 Mar 2020, 4:00 am