म. टा. वृत्तसेवा, नवी मुंबई
महापे एमआयडीसीतील स्टॉक होल्डिंग कॉर्पोरेशन इमारतीच्या तीन मजली बेसमेंटमध्ये सोमवारी सायंकाळी लागलेली आग ४८ तास उलटून गेले तरी अद्याप विझली नाही. या आगीमुळे प्रचंड धूर निर्माण झाल्याने अग्निशमन दलाचे जवान बेसमेंटमध्ये प्रवेश करू शकले नाहीत. परिणामी बाहेरून पाण्याचा मारा करण्याशिवाय पर्याय राहिलेला नाही.
ही आग विझवण्यासाठी एमआयडीसी अग्निशमन दलासह नवी मुंबई महापालिका व अन्य अग्निशमन दल शर्थीचे प्रयत्न करत आहेत. मात्र त्यात त्यांना यश आलेले नाही. दरम्यान, स्टॉक होल्डिंग कॉर्पोरेशन कंपनीने आपल्या तीन मजली बेसमेंटमध्ये विविध शासकीय विभाग, बँका व इतर खासगी कंपन्यांची महत्त्वाची कागदपत्रे ठेवली आहेत. ही कागदपत्रे या आगीमुळे जळून खाक झाली असावीत, अशी भीती व्यक्त करण्यात येत आहे.
महापे येथील स्टॉक होल्डिंग कॉर्पोरेशन ही कंपनी महत्त्वाची कागदपत्रे जतन करून ठेवण्याचे काम करते. त्यामुळे या कॉर्पोरेशनकडे सिडको, म्हाडा, मुंबई महानगरपालिका, इतर शासकीय विभाग, त्याचप्रमाणे विविध बँका, खासगी कंपन्यांची महत्त्वाची कागदपत्रे ठेवण्यात आली आहेत.
स्टॉक होल्डिंग कॉर्पोरेशन कंपनीने महापे येथील आपल्या इमारतीच्या तीन मजली बेसमेंटमध्ये ही सर्व कागदपत्रे जतन करून ठेवली आहेत. येथेच सोमवारी सायंकाळी ५ वाजण्याच्या सुमारास आग लागली. बेसमेंटमधून धूर येऊ लागल्यानंतर हा प्रकार उघडकीस आला. सुरुवातीला एमआयडीसीच्या अग्निशमन दलाच्या जवानांनी आग आटोक्यात आणण्यासाठी प्रयत्न सुरू केले. मात्र आगीमुळे बेसमेंटमध्ये प्रचंड धूर निर्माण झाल्याने अग्निशमन दलाच्या जवानांना आत प्रवेशच करता आला नाही. त्यामुळे जवान बाहेरूनच पाण्याचा मारा करून आग आटोक्यात आणण्याचा प्रयत्न करत आहेत.
आतापर्यंत चार लाख लिटरहून अधिक पाण्याचा मारा आग विझवण्यासाठी करण्यात आला. मात्र अद्याप आग विझवण्यात अग्निशमन दलाला यश आलेले नाही. त्यामुळे या ठिकाणी आता मुंबई अग्निशमन दलालादेखील पाचारण करण्यात आले आहे.
महापे एमआयडीसीतील स्टॉक होल्डिंग कॉर्पोरेशन इमारतीच्या तीन मजली बेसमेंटमध्ये सोमवारी सायंकाळी लागलेली आग ४८ तास उलटून गेले तरी अद्याप विझली नाही. या आगीमुळे प्रचंड धूर निर्माण झाल्याने अग्निशमन दलाचे जवान बेसमेंटमध्ये प्रवेश करू शकले नाहीत. परिणामी बाहेरून पाण्याचा मारा करण्याशिवाय पर्याय राहिलेला नाही.
ही आग विझवण्यासाठी एमआयडीसी अग्निशमन दलासह नवी मुंबई महापालिका व अन्य अग्निशमन दल शर्थीचे प्रयत्न करत आहेत. मात्र त्यात त्यांना यश आलेले नाही. दरम्यान, स्टॉक होल्डिंग कॉर्पोरेशन कंपनीने आपल्या तीन मजली बेसमेंटमध्ये विविध शासकीय विभाग, बँका व इतर खासगी कंपन्यांची महत्त्वाची कागदपत्रे ठेवली आहेत. ही कागदपत्रे या आगीमुळे जळून खाक झाली असावीत, अशी भीती व्यक्त करण्यात येत आहे.
महापे येथील स्टॉक होल्डिंग कॉर्पोरेशन ही कंपनी महत्त्वाची कागदपत्रे जतन करून ठेवण्याचे काम करते. त्यामुळे या कॉर्पोरेशनकडे सिडको, म्हाडा, मुंबई महानगरपालिका, इतर शासकीय विभाग, त्याचप्रमाणे विविध बँका, खासगी कंपन्यांची महत्त्वाची कागदपत्रे ठेवण्यात आली आहेत.
स्टॉक होल्डिंग कॉर्पोरेशन कंपनीने महापे येथील आपल्या इमारतीच्या तीन मजली बेसमेंटमध्ये ही सर्व कागदपत्रे जतन करून ठेवली आहेत. येथेच सोमवारी सायंकाळी ५ वाजण्याच्या सुमारास आग लागली. बेसमेंटमधून धूर येऊ लागल्यानंतर हा प्रकार उघडकीस आला. सुरुवातीला एमआयडीसीच्या अग्निशमन दलाच्या जवानांनी आग आटोक्यात आणण्यासाठी प्रयत्न सुरू केले. मात्र आगीमुळे बेसमेंटमध्ये प्रचंड धूर निर्माण झाल्याने अग्निशमन दलाच्या जवानांना आत प्रवेशच करता आला नाही. त्यामुळे जवान बाहेरूनच पाण्याचा मारा करून आग आटोक्यात आणण्याचा प्रयत्न करत आहेत.
आतापर्यंत चार लाख लिटरहून अधिक पाण्याचा मारा आग विझवण्यासाठी करण्यात आला. मात्र अद्याप आग विझवण्यात अग्निशमन दलाला यश आलेले नाही. त्यामुळे या ठिकाणी आता मुंबई अग्निशमन दलालादेखील पाचारण करण्यात आले आहे.