म. टा. वृत्तेसवा, नवी मुंबई
राज्यात प्लास्टिकबंदी करण्यात आली असून, महापालिकेने नागरिकांमध्ये जनजागृती करण्यासोबतच प्रतिबंधित प्लास्टिकचा वापर करणाऱ्यांविरोधात वारंवार धडक मोहीम हाती घेऊन दंडात्मक कारवाई केली आहे. स्वच्छ नवी मुंबई शहर प्लास्टिक व थर्माकोलमुक्त करण्यासाठी महापालिका प्रयत्नशील असून, स्वातंत्र्य दिनाचे औचित्य साधून प्लास्टिक प्रतिबंध व कचरा वर्गीकरण याविषयी शपथ घेण्याची मोहीम राबविण्यात येत आहे.
१५ ऑगस्टला स्वातंत्र्य दिनानिमित्त महापालिका कार्यक्षेत्रातील महापालिकेच्या व खासगी अशा सर्व शाळांमध्ये ध्वजारोहणानंतर प्लास्टिक प्रतिबंध व कचरा वर्गीकरणाबाबत शपथ घेण्यात येणार आहे. यामधून विद्यार्थ्यांच्या मनावर स्वच्छतेचा व प्लास्टिक प्रतिबंधाचा संस्कार करण्याचा मानस असून, प्लास्टिक प्रतिबंधात्मक मोहिमेमध्ये शालेय विद्यार्थ्यांचा व त्यांच्या माध्यमातून त्यांच्या पालकांचा सहभाग अपेक्षित आहे. त्यादृष्टीने भारतीय स्वातंत्र्य दिन हा अत्यंत सुयोग्य दिवस असून, या दिवशी नवी मुंबईतील शाळा-शाळांमध्ये स्वच्छता व प्लास्टिक प्रतिबंधाच्या शपथेतून स्वच्छतेची संस्कृती वृद्धिंगत होणार आहे.
राज्यात प्लास्टिकबंदी करण्यात आली असून, महापालिकेने नागरिकांमध्ये जनजागृती करण्यासोबतच प्रतिबंधित प्लास्टिकचा वापर करणाऱ्यांविरोधात वारंवार धडक मोहीम हाती घेऊन दंडात्मक कारवाई केली आहे. स्वच्छ नवी मुंबई शहर प्लास्टिक व थर्माकोलमुक्त करण्यासाठी महापालिका प्रयत्नशील असून, स्वातंत्र्य दिनाचे औचित्य साधून प्लास्टिक प्रतिबंध व कचरा वर्गीकरण याविषयी शपथ घेण्याची मोहीम राबविण्यात येत आहे.
१५ ऑगस्टला स्वातंत्र्य दिनानिमित्त महापालिका कार्यक्षेत्रातील महापालिकेच्या व खासगी अशा सर्व शाळांमध्ये ध्वजारोहणानंतर प्लास्टिक प्रतिबंध व कचरा वर्गीकरणाबाबत शपथ घेण्यात येणार आहे. यामधून विद्यार्थ्यांच्या मनावर स्वच्छतेचा व प्लास्टिक प्रतिबंधाचा संस्कार करण्याचा मानस असून, प्लास्टिक प्रतिबंधात्मक मोहिमेमध्ये शालेय विद्यार्थ्यांचा व त्यांच्या माध्यमातून त्यांच्या पालकांचा सहभाग अपेक्षित आहे. त्यादृष्टीने भारतीय स्वातंत्र्य दिन हा अत्यंत सुयोग्य दिवस असून, या दिवशी नवी मुंबईतील शाळा-शाळांमध्ये स्वच्छता व प्लास्टिक प्रतिबंधाच्या शपथेतून स्वच्छतेची संस्कृती वृद्धिंगत होणार आहे.