मुंबई : पंजाब नॅशनल बँक घोटाळा प्रकरणातील आरोपी नितीन शाही याला सीबीआय विशेष न्यायालयाने सोमवारी जामीन मंजूर केला. नितीन हा या घोटाळ्याच्या सूत्रधारांपैकी एक असलेल्या मेहुल चोक्सी याच्या गीतांजली जेम्स लिमिटेड कंपनीत सहायक वित्त अधिकारी होता. मात्र, 'नितीन हा वरिष्ठांचा आदेश पाळणाऱ्या कनिष्ठ अधिकाऱ्यांपैकी एक होता. त्याला वरिष्ठांच्या व्यवहारांविषयी कोणतीही कल्पना नव्हती. या प्रकरणातील अनेक वरिष्ठ अधिकाऱ्यांचा समावेश आरोपपत्रात असला तरी त्यांना अटक झालेली नाही. दुसरीकडे नितीन मात्र तुरुंगात आहे', असा युक्तिवाद करत नितीनतर्फे अॅड. संजय अबॉट यांनी त्याला जामीन मंजूर करण्याची विनंती केली होती. त्याविषयी न्यायालयाने सोमवारी निर्णय देताना नितीनचा अर्ज मान्य केला.
आरोपीला जामीन
पंजाब नॅशनल बँक घोटाळा प्रकरणातील आरोपी नितीन शाही याला सीबीआय विशेष न्यायालयाने सोमवारी जामीन मंजूर केला...
Maharashtra Times 17 Jul 2018, 4:00 am