म. टा. वृत्तसेवा, पनवेल
पनवेल तालुक्यातील आपटे गावात एसटी बसमध्ये बॉम्ब सापडल्याची घटना बुधवारी रात्री घडली. मुंबई पोलिसांच्या दहशतवादविरोधी पथकाने (एटीएस) रायगड पोलिसांच्या मदतीने हा बॉम्ब निकामी केला असून, हा बॉम्ब कोणी ठेवला याचा अद्याप छडा लागलेला नाही.
कर्जत ते आपटे असा २८ किमी प्रवास करून आलेल्या एसटी बसमध्ये हा बॉम्ब सापडला. बस वाहक आणि चालकांच्या प्रसंगावधाने ते लक्षात आले. डिटोनेटर, सेल, वायर, टायमर आणि पांढऱ्या पावडरीच्या मदतीने हा बॉम्ब तयार करण्यात आला होता. या सर्व वस्तू फॉरेन्सिक लॅबमध्ये पाठविण्यात आल्या आहेत.
???