नवी मुंबई : पनवेलमधील गुरुशरणम् इमारतीच्या शेजारी असणाऱ्या मार्केट यार्ड झोपडपट्टीमधील घर क्रमांक टी ११मध्ये रात्रीच्या वेळीस घरफोडी होण्याची घटना घडली. या घरफोडीत चोरांनी २५ हजार रुपये किमतीचे सोने चोरले आहे. रिक्षाचालक गणेश खडेकर हा सोसायटी नाका ते पनेवल परिसरात रिक्षा चालववण्याचे काम करतो. १० जुलै रोजी दिवसभर रिक्षा चालवल्यानंतर संध्याकाळी ७ वाजता घरी पोहोचले. रात्री १०च्या सुमारास घरातील सर्वजण झोपले असता रात्री १२च्या सुमारास गणेशला जाग आली. तेव्हा स्वयंपाकघरात २५ ते ३० वर्षांची एक व्यक्ती त्याला दिसली. तेव्हा आरडाओरड केली असता घराच्या मागील दरवाजावाटे ती व्यक्ती पळून गेली. त्यांनी पाहिले असता स्वयपाकांच्या घरातील कपाटामधून २५ हजार रुपये किमतीचे सोने चोरीला गेल्याचे उघडकीस आले. पनवेल शहर पोलिस ठाण्यात गुन्हा दाखल करण्यात आला आहे.
पनवेलमध्ये घरफोडी
पनवेलमधील गुरुशरणम् इमारतीच्या शेजारी असणाऱ्या मार्केट यार्ड झोपडपट्टीमधील घर क्रमांक टी ११मध्ये रात्रीच्या वेळीस घरफोडी होण्याची घटना घडली...
Maharashtra Times 13 Jul 2018, 4:00 am