ठाणे :
उसने पैसे घेऊन जुनी कार खरेदी करण्याचा बेत आखणाऱ्या पालघरच्या एका व्यावसायिकाची फसवणूक झाली असून व्यावसायिकाला कार मिळाली नाही, उलट साडेसहा लाख रुपये गमवावे लागले. या फसवणुकीप्रकरणी ठाण्यातील वर्तकनगर पोलिस ठाण्यात तिघांविरुद्ध गुन्हा दाखल करण्यात आला आहे.
सुवर्ण प्राशन औषधांचा व्यवसाय करणारे जितेंद्रकुमार तिवारी यांच्या चहाच्या टपरीवर जुन्या चारचाकी गाड्यांची विक्री करणाऱ्या कमलेश नामक व्यक्तीची ओळख झाली. तिवारी याने व्यवसायासाठी कार खरेदी करण्याची इच्छा व्यक्त केल्यानंतर काही दिवसांनी कमलेश याने एक स्कॉर्पिओ गाडी दाखवली. मात्र ही गाडी अत्यंत जुनी असल्याने तिवारी याने ही खरेदी करण्यास नापसंती दर्शवल्यानंतर कमलेशने आणखी एक गाडी दाखवली. या गाडीची किंमत ९ लाख रुपये होती. त्यानंतर एक पांढऱ्या रंगाची गाडी तिवारीला पसंत पडली. गाडी घेण्यासाठी त्याने नातेवाईकांकडून सहा लाख रुपये उसने घेतले.
२४ एप्रिल रोजी तिवारी मित्रासोबत कमलेश याला पैसे देण्यासाठी ठाण्यातील कोरम मॉल परिसरात आला. कमलेश याच्यासोबत त्याचे दोन साथीदारही होते. यावेळी कमलेशने गाडी काही अंतरावर उभी केल्याचे सांगत तिवारी याच्याकडून साडेसहा लाख रुपये घेतले. पैसे मिळाल्यानंतर तिघे आरोपी काही अंतर चालत गेले. गाडी घेऊन येतो, असे सांगून रिक्षात बसून पसार झाले. तिवारीने कमलेशला फोन लावल्यानंतर अर्ध्या तासात येत असल्याचे आश्वासन दिले. मात्र आरोपी काही आले नाही. नंतर मोबाइलही बंद केला. फसवणूक झाल्याचे लक्षात येताच तिवारीने पोलिस ठाण्यात धाव घेत कमलेश आणि त्याच्या साथीदाराविरुद्ध तक्रार दाखल केली. पोलिस या भामट्यांचा शोध घेत आहेत.
उसने पैसे घेऊन जुनी कार खरेदी करण्याचा बेत आखणाऱ्या पालघरच्या एका व्यावसायिकाची फसवणूक झाली असून व्यावसायिकाला कार मिळाली नाही, उलट साडेसहा लाख रुपये गमवावे लागले. या फसवणुकीप्रकरणी ठाण्यातील वर्तकनगर पोलिस ठाण्यात तिघांविरुद्ध गुन्हा दाखल करण्यात आला आहे.
सुवर्ण प्राशन औषधांचा व्यवसाय करणारे जितेंद्रकुमार तिवारी यांच्या चहाच्या टपरीवर जुन्या चारचाकी गाड्यांची विक्री करणाऱ्या कमलेश नामक व्यक्तीची ओळख झाली. तिवारी याने व्यवसायासाठी कार खरेदी करण्याची इच्छा व्यक्त केल्यानंतर काही दिवसांनी कमलेश याने एक स्कॉर्पिओ गाडी दाखवली. मात्र ही गाडी अत्यंत जुनी असल्याने तिवारी याने ही खरेदी करण्यास नापसंती दर्शवल्यानंतर कमलेशने आणखी एक गाडी दाखवली. या गाडीची किंमत ९ लाख रुपये होती. त्यानंतर एक पांढऱ्या रंगाची गाडी तिवारीला पसंत पडली. गाडी घेण्यासाठी त्याने नातेवाईकांकडून सहा लाख रुपये उसने घेतले.
२४ एप्रिल रोजी तिवारी मित्रासोबत कमलेश याला पैसे देण्यासाठी ठाण्यातील कोरम मॉल परिसरात आला. कमलेश याच्यासोबत त्याचे दोन साथीदारही होते. यावेळी कमलेशने गाडी काही अंतरावर उभी केल्याचे सांगत तिवारी याच्याकडून साडेसहा लाख रुपये घेतले. पैसे मिळाल्यानंतर तिघे आरोपी काही अंतर चालत गेले. गाडी घेऊन येतो, असे सांगून रिक्षात बसून पसार झाले. तिवारीने कमलेशला फोन लावल्यानंतर अर्ध्या तासात येत असल्याचे आश्वासन दिले. मात्र आरोपी काही आले नाही. नंतर मोबाइलही बंद केला. फसवणूक झाल्याचे लक्षात येताच तिवारीने पोलिस ठाण्यात धाव घेत कमलेश आणि त्याच्या साथीदाराविरुद्ध तक्रार दाखल केली. पोलिस या भामट्यांचा शोध घेत आहेत.