म. टा. वृत्तसेवा, नवी मुंबई
भारतातील बँकांना तब्बल ९ हजार कोटी रुपयांना गंडा घालून परदेशात पळून गेलेल्या विजय मल्ल्या याच्या गाड्यांचा ईडीमार्फत लिलाव करण्यात येत असून विजय मल्ल्याची पजॅरो गाडी कमी किमतीत देण्याची थाप मारून एका भामट्याने सीबीडीतील एका व्यक्तीकडून तब्बल सव्वाचार लाख रुपये उकळले. राजीव कुमार सिन्हा उर्फ आर. के. सिंग असे या भामट्याचे नाव आहे. त्याने अशाच पद्धतीने अनेकांना वेगवेगळ्या भूलथापा देऊन लाखो रुपयांची फसवणूक केली आहे. सीबीडी पोलिसांनी त्याच्याविरोधात फसवणुकीचा गुन्हा दाखल करून त्याचा शोध सुरू केला आहे.
या प्रकरणात फसवणूक झालेल्या व्यावसायिकाचे नाव सुरेंद्रनाथ सिंग असे असून ते सीबीडी सेक्टर-१५मध्ये राहण्यास आहेत. गेल्या महिन्यामध्ये राजीव कुमार सीबीडी सेक्टर-१५मधील सी-शोरजवळ मॉर्निंग वॉक करण्याच्या बहाण्याने गेला होता. यावेळी त्या ठिकाणी नातवासह बसलेल्या सुरेंद्रनाथ यांच्याशी त्याने ओळख वाढविली. ईडीच्या दिल्ली येथील कार्यालयातून आपल्याला विशेष नेमणुकीवर पाठवण्यात आल्याचे त्याने सांगितले. विजय मल्ल्या याच्या गाड्यांचा ईडीकडून लिलाव करण्यात येत असल्याचे सांगून त्यातील एखादी गाडी स्वस्तात मिळवून देण्याचे आमिष दाखवले. दुसऱ्या दिवशी सुरेंद्रनाथ यांना व्हॉट्सअॅपवर सात महागड्या गाड्यांची यादी पाठवून पैसे देण्यास सांगितले. सुरेंद्रनाथ यांनी सव्वा चार लाख रुपयांची पजॅरो गाडी घेण्याचे निश्चित करून राजीव कुमार याच्या बँकखात्यात सव्वा चार लाखांची रक्कम ट्रान्सफर केली. त्यानंतर राजीव कुमार याने वेगवेगळी कारणे सांगून सुरेंद्रनाथ यांना टाळण्यास सुरुवात केली. सुरेंद्रनाथ यांना संशय आल्याने त्यांनी त्याच्या बँक खात्यावर असलेल्या पत्त्यावरून खारघर सेक्टर-३५डीमधील साई क्रिस्टल इमारतीत धाव घेतली असता, त्याने त्या ठिकाणावरून कुटुंबासह पलायन केल्याचे आढळून आले. रहिवाशांकडून अधिक माहिती घेतली असता, त्याने खारघरमधील अनेक लोकांना लाखो रुपयांना गंडा घातल्याचे त्यांना समजले. त्यानंतर त्यांनी सीबीडी पोलिस ठाण्यात धाव घेऊन तक्रार दाखल केली.
भारतातील बँकांना तब्बल ९ हजार कोटी रुपयांना गंडा घालून परदेशात पळून गेलेल्या विजय मल्ल्या याच्या गाड्यांचा ईडीमार्फत लिलाव करण्यात येत असून विजय मल्ल्याची पजॅरो गाडी कमी किमतीत देण्याची थाप मारून एका भामट्याने सीबीडीतील एका व्यक्तीकडून तब्बल सव्वाचार लाख रुपये उकळले. राजीव कुमार सिन्हा उर्फ आर. के. सिंग असे या भामट्याचे नाव आहे. त्याने अशाच पद्धतीने अनेकांना वेगवेगळ्या भूलथापा देऊन लाखो रुपयांची फसवणूक केली आहे. सीबीडी पोलिसांनी त्याच्याविरोधात फसवणुकीचा गुन्हा दाखल करून त्याचा शोध सुरू केला आहे.
या प्रकरणात फसवणूक झालेल्या व्यावसायिकाचे नाव सुरेंद्रनाथ सिंग असे असून ते सीबीडी सेक्टर-१५मध्ये राहण्यास आहेत. गेल्या महिन्यामध्ये राजीव कुमार सीबीडी सेक्टर-१५मधील सी-शोरजवळ मॉर्निंग वॉक करण्याच्या बहाण्याने गेला होता. यावेळी त्या ठिकाणी नातवासह बसलेल्या सुरेंद्रनाथ यांच्याशी त्याने ओळख वाढविली. ईडीच्या दिल्ली येथील कार्यालयातून आपल्याला विशेष नेमणुकीवर पाठवण्यात आल्याचे त्याने सांगितले. विजय मल्ल्या याच्या गाड्यांचा ईडीकडून लिलाव करण्यात येत असल्याचे सांगून त्यातील एखादी गाडी स्वस्तात मिळवून देण्याचे आमिष दाखवले. दुसऱ्या दिवशी सुरेंद्रनाथ यांना व्हॉट्सअॅपवर सात महागड्या गाड्यांची यादी पाठवून पैसे देण्यास सांगितले. सुरेंद्रनाथ यांनी सव्वा चार लाख रुपयांची पजॅरो गाडी घेण्याचे निश्चित करून राजीव कुमार याच्या बँकखात्यात सव्वा चार लाखांची रक्कम ट्रान्सफर केली. त्यानंतर राजीव कुमार याने वेगवेगळी कारणे सांगून सुरेंद्रनाथ यांना टाळण्यास सुरुवात केली. सुरेंद्रनाथ यांना संशय आल्याने त्यांनी त्याच्या बँक खात्यावर असलेल्या पत्त्यावरून खारघर सेक्टर-३५डीमधील साई क्रिस्टल इमारतीत धाव घेतली असता, त्याने त्या ठिकाणावरून कुटुंबासह पलायन केल्याचे आढळून आले. रहिवाशांकडून अधिक माहिती घेतली असता, त्याने खारघरमधील अनेक लोकांना लाखो रुपयांना गंडा घातल्याचे त्यांना समजले. त्यानंतर त्यांनी सीबीडी पोलिस ठाण्यात धाव घेऊन तक्रार दाखल केली.